Ուզում եք, որ այս լուսավոր օրն անդրադառնամ ինչ-որ հերյուրանքների՞. Սերժ Սարգսյանը՝ վարչապետի՝ 7 շրջանների հանձնման պրոցեսի հայտարարության մասին
Բանակի օրվա առթիվ ՀՀ երրորդ նախագահ Սերժ Սարգսյանն այսօր ՀՀԿ անդամների ուղեկցությամբ այցելել է Եռաբլուր զինվորական պանթեոն, որտեղ նաև պատասխանել է լրագրողներին հարցերին։
«Շնորհավորում եմ մեր զինվորներին ու սպաներին, գեներալներին, մեր քաջարի ազատամարտիկներին ու հայկական բանակի վաստակաշատ վետերաններին, մեր բանակի կայացման գործում շատ մեծ ավանդ ունեցող և մինչև օրս քեֆ-ուրախությամբ իրենց որդիներին բանակ ճանապարհող ու անհրաժեշտ պահին կամավորության սկզբունքով մեր բանակի շարքերը համալրող մեր ժողովրդի զավակներին»,– ասաց նա:
«Մեր բանակը փառապանծ բանակ է, հաղթական բանակ է, և անկախ նրանից, որ մեր բանակի ձևավորման հենց առաջին օրվանից որոշ մարդիկ, այդ թվում նաև դրսի ուժերի թելադրանքով, փորձել են վարկաբեկել մեր բանակը, փորձել են նսեմացնել մեր հաղթանակները, դա նրանց չի հաջողվել, չի հաջողվել մի պարզ պատճառով, որովհետև խոշոր հաշվով մեր բանակը ձախողումներ չի ունեցել: Մարտի դաշտում, այն էլ ոչ մեկ անգամ, ապացուցել է իր ունակությունը պաշտպանելու Հայաստանի, հայ ժողովրդի, այդ թվում նաև Արցախի Հանրապետությունում ապրող մեր հայրենակիցների անվտանգությունը»,- նշեց Սերժ Սարգսյանը:
Նա ասաց, որ այս նվիրական օրը մեկ մաղթանք ունի՝ ամուր պահել հավատը մեր բանակի նկատմամբ: «Սա շատ կարևոր հանգամանք է և թույլ չտանք, որ մարդիկ ինչ-ինչ նպատակներով փորձեն վարկաբեկել մեր բանակը, սա անթույլատրելի է: Ես վստահ եմ, որ նաև ձեր օգնությամբ մեր բանակը միշտ լինելու է վստահելի և նրա հաջողությունները միշտ տեսանելի են լինելու մեր ժողովրդին»,- հայտարարեց նա:
Անդրադառնալով լրագրողի դիտարկմանը, թե վարչապետ Նիկոլ Փաշինյանը հայտարարել է, որ Սերժ Սարգսյանի պաշտոնավարման ժամանակ Արցախի հարակից 7 շրջանների հանձնման պրոցես է տեղի ունեցել, նա ասաց. «Դուք այդքան համառորեն ուզում եք, որ ես այս լուսավոր օրը անդրադառնամ ինչ-որ հերյուրանքների՞»:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ