Փաշինյանն ակնարկեց, թե ով է կանգնած Ամուլսարի խնդրի հետեւում
Վարչապետ Նիկոլ Փաշինյանը Ամուլսարի հանքի ճանապարհն արգելափակած ակտիվիստների գործողություններն անտրամաբանական եւ անհարգալից է համարում: Նա այս մասին հայտարարեց Կապանում մամուլի ասուլիսի ժամանակ:
Նա նշեց մտահոգության մասին՝ կապված միջազգային արբիտրաժային դատարան հանքի սեփականատերերի դիմելու հնարավորության հետ: «Վերահաստատում եմ ճանապարհը բացելու կոչը եւ մեր թանկագին հայրենակիցների գործողությունները սխալ եմ համարում: Հարցը չի լուծվի, քանի դեռ ճանապարհը փակ է, իրավիճակը կմնա ստատուս քվոյի վիճակում»:
Հարց տալով՝ արդյոք ինքը հետաքրքրվա՞ծ է հանքի շահագործմամբ, Փաշինյանը նշեց՝ ե՛ւ այո, ե՛ւ ոչ: «Այո, որովհետեւ, եւ այդ մասին նախկինում ասել եմ, շահագործումը կապված է անվտանգության ոլորտի հետ: Եթե հանքը գործեր, տնտեսական աճը կլիներ ոչ թե 7.5 տոկոս, այլ ավելին, կբացվեին հազարավոր աշխատատեղեր: Բայց մյուս կողմից, ես հանքի շահագործմանը ոչ մի դեպքում չեմ համաձայնվի ի վնաս Հայաստանի, Ջերմուկի, շրջակա գյուղերի բնակիչների առողջության, երկրի էկոլոգիային անշրջելի վնաս հասցնելու»,- հավաստիացրեց Փաշինյանը:
Փաշինյանը, սակայն, կարծում է, որ քանի դեռ հանք տանող ճանապարհները արգելափակված են, այս հարցը պարզելը անհնար է դառնում:
«Ակտիվիստների գործողություններն անտրամաբանական են, անհարգալից եւ չեն բխում Հայաստանի շահերից»,- կրկնեց Փաշինյանը՝ հավելելով, որ կասկածներ են եղել եւ կան, որ իրավիճակով շահագրգռված են շրջանակներ, որոնք ամեն ինչ անում են, որ ընկերության բաժնետոմսերը բորսայում նվազեցնեն եւ հետո ձեռք բերեն: «Բայց նրանց հիասթափություն է սպասում: Մենք այդպիսի մանր գործընթացներ թույլ չենք տա: Եթե պարզվի, որ այդպիսի ինչ-որ բան կա, նրանք խիստ պատասխանատվության կենթարկվեն»,- խոստացավ Նիկոլ Փաշինյանը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ