Էլեկտրոնային ծխախոտի օգուտը կասկածելի է, իսկ վնասը՝ ակնհայտ. ԱՀԿ
Էլեկտրոնային ծխախոտը, ինչպես սովորականները, վտանագավոր է թե՛ դրանք օգտագործողների, թե՛ շրջապատողների համար: Այս մասին նշված է էլեկտրոնային համակարգերով նիկոտին հասցնելու (ԷՀՆՀ)՝ էլեկտրոնային ծխախոտի հետ կապված ռիսկերի վերաբերյալ Առողջապահության համաշխարհային կազմակերպության հրապարակած նախազգուշացման մեջ:
Այս ծխախոտն արտադրողներն այն ներկայացնում են որպես սովորական ծխախոտին անվտանգ այլընտրանք կամ որպես գաջեթներ, որոնք կարող են օգնել ծխելուց հրաժարվելուն: Բայց ԱՀԿ մասնագետների հայտարարությամբ բավարար ապացույցներ չկան, որ դրանք կարող են օգնել ծխելը թողնելուն: Միաժամանակ էլեկտրոնային ծխախոտի վնասի մասին տվյալները զգալիորեն շատ են:
Մասնագետների խոսքով՝ էլեկտրոնային ծխախոտը երիտասարդների, մասնավորաբար դեռահասների շրջանում առաջացնում է կախվածություն: Ընդ որում՝ սակավաթիվ են այն բանի օգտին տվյալները, որ դրանց օգտագործումը կանխում է դեռահասների կողմից սովորական ծխախոտ ծխելը:
Ինչ վերաբերում է ԷՀՆՀ վնասին, ապա դրանց գործածումը կապված է սիրտ-անոթային համակարգի եւ թոքերի հիվանդությունների զարգացման մեծ հավանականության հետ: ԱՄՆ-ում վեյփի հետ կապված սուր հիվանդության հետեւանքով արդեն ավելի քան 50 մարդ է մահացել, իսկ հիվանդացածների թիվն անցել է 2500-ից: ԱՀԿ-ն նաեւ ընդգծում է գաջեթների վնասը հղի կանանց համար:
Իսկ քանի որ վեյփինգի ժամանակ առաջացող աերոզոլը պարունակում է թունավոր նյութեր, այն վտանգավոր է նաեւ ծխողի կողքին եղողների համար: Ուստի ԱՀԿ-ն հանդես է գալիս դեռահասների համար ԷՀՆՀ մարքեթինգի դեմ եւ հաստատություններում ու աշխատավայրերում դրանց սահմանափակման օգտին:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ