Գյուղացուն գցեց ցեխը, կաթը վերջին ձեւով անպատվեց. Նորկեսարացի անասնապահը՝ վարչապետի ելույթի մասին
Անասնաբուծությամբ զբաղվողները դժգոհ են վարչապետ Նիկոլ Փաշինյանի առաջարկից, ըստ որի նրանց մինչեւ հուլիսի 1-ը ժամանակ է տրվել օգտվել կառավարության առաջարկած սուբսիդավորվող վարկերից եւ միանալ սպանդանոցներ կառուցելու գործին:
«Ուղիղ եթերով գյուղացուն անտեսեց, գցեց ցեխը, քաշվեց մի կողմ: Ցեխ շպրտեց գյուղացու վրա, գյուղացու կաթը վերջին ձեւով անպատվեց, անորակ սարքեց: Մոռանում է, որ մի գյուղացի էլ ինքն է, եթերում էլ մի անգամ խոզ է խանձել հայրական տանը: Այդ դեպքում ինքը մաքուր միս է՞ կերել: Անձամբ ես իր կողմից վիրավորանք զգացի»,- NEWS.am-ի հետ զրույցում ասաց Նոր Կեսարիա գյուղի անասնապահներից մեկը:
Վարչապետը նաեւ նշել է, թե հետաձգումը չի վերաբերում այն մսամթերքին, որը կվաճառվի Երեւանի սուպերմարկետներում, ռեստորանային եւ հանրային սննդի ցանցերում, միսն այնտեղ պետք է ուղարկվի միայն սպանդանոցներից։
«Մեզ ձեռք չի տալիս դա: Եթե մենք այսօր չենք կարող միս մտցնել Երեւան, մարզերում այդքան միս չի կարող ծախվել»,- ասաց նա:
Մրգաշատ գյուղի անասնապահները նույնպես վրդովված են վարչապետի ելույթից:
«Պետք է ուղղակի մորթել անասուններին ու գաղթել: Վաղվանից կմորթեմ, կգնամ խոպան: Անասուններին ծախում եմ, ընտանիքիս վերցնեմ գնամ Հայաստանից»,- նշեց նրանցից մեկը:
Նշենք, որ վարչապետն ասել էր նաեւ, որ ՀՀ-ում արտադրվող կաթը չի համապատասխանում այն չափանիշներին, որն անհրաժեշտ բարձրորակ արտադրանք ստանալու համար:
«Թրիքոտ կաթով հնարավոր չի բարեկեցություն ստանալ: Չի կարելի պահանջել, որ մթերողները թրիքոտ կաթը մթերեն»,- ասել էր նա:
Հիշեցնենք, որ այս տարվա հունվարի 15-ից պարտադիր է դառնում սպանդանոցային մորթը, առանց որը հաստատող փաստաթղթի մսի վաճառք իրականացնողները կտուգանվեն: Սա առաջացրել էր բողոքի ալիք տարբեր մարզերի անասնապահների եւ մսավաճառների շրջանում: Նրանք մի քանի օր բողոքի ակցիաներ էին իրականացրել Կառավարության շենքի առջեւ պահանջելով վերանայել այդ որոշումը։ Ակցիայի մասնակիցները մի քանի րոպեով փակել էին մայրաքաղաքի Տիգրան Մեծի պողոտան, այնուհետեւ կառավարությունից որեւէ արձագանք չստանալով, կոչ էին արել, որպեսզի ՀՀ բոլոր մարզերում բնակիչները փողոցներ փակեն։ Նախօրեին եւ այսօր բողոքի ակցիաները շարունակվել են, մարզերում մայրուղիներ էին փակվել՝ ի նշան բողոքի: Անասնապահները տեղեկացրին, որ չեն բացառում, որ իրենց բողոքի ակցիաները կշարունակվեն:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ