«Իմ քայլի» հերթական ամոթալի եւ ծիծաղելի նախագիծը (Տեսանյութ)

Սա ձեր չաշխատելու արդյունքն է, նախագիծը ներկայացնում են թվերով ժողովուրդ ջան, սա հայոց լեզվի, գրականության շարադրություն չէ։ Այս մասին այսօր՝ հունվարի 22–ին, , ԱԺ քառօրյա նիստի ժամանակ ասաց Բարգավաճ Հայաստան խմբակցության պատգամավոր Սերգեյ Բագրատյանն՝ անդրադառնալով ԱԺ «Իմ քայլը» խմբակցության առաջարկած «Պետական նպաստների մասին» օրենքում փոփոխություն կատարելուն։

Բագրատյանի խոսքով՝ օրենքի նախագիծը պետք է ունենա հստակ թվեր եւ կանխատեսվածություն. «Ասում եք սկզբունքային ծախս չէ, ձեզ ո՞վ է նման բան ասել, ո՞նց կարելի է ծախսը չհամարել սկզբունքային։ Օրինակ Ֆինանսների նախարարության համար, սկզբունքայինն չէ՞ այս ծախսը։ Հարգելի ընկերներմ մենք ահավոր ավելցուկ ունե՞նք, բյուջեի պրոֆիցիտ ունե՞նք, հիմա որոշել ենք, շաբաշներ ենք տալի՞ս։ Ծննդատուն է փակվում տասնյակ միլիոն չունենալու պատճառով։ 360 միլիոն գումար է կազմում, սա իմ ընկերոջ հաշվարկն եմ ասում, որովհետեւ այլ հաշվարկ չունեմ, որ ներկայացնեմ։ Կարող ենք ծննդատներն աշխատեցնել եւ 26 տարեկան լուրջ տղամարդուն պետք չէ համարել երկկողմանի ծնողազուրկ։ 26 տարեկան տղաները լուրջ մարդիկ են, ընտանիք ունեն։ Եթե սովորելու հետ եք կապում, ես, որ Կառավարման ակադեմիայում էի սովորում, 63 տարեկան մարդ կար մեր հետ, միգուցե նրա թոշակի մասին էլ դուք մտածեք, անպայման ծնողազուրկ կլինի։ Դիլետանտի մակարդակով խոսակցություն եք տանում, այդպես օրենք է լինո՞ւմ, ստիպված պարոն Մելքումյանը ձեր փոխարեն սկսեց բազմապատկել թվերը ու սա պետք է ընդունե՞նք»։