Խորհրդարանն ընդունել է մի շարք օրենքներ, այդ թվում բանկային գաղտնիքի բացման մասին

ՀՀ Ազգային ժողովի հունվարի 22-ի նիստում երկրորդ եւ վերջնական ընթերցմամբ պատգամավորները հավանություն են տվել գործող օրենքների մի շարք օրենսդրական լրացումների, տեղեկացնում է NEWS.am-ի թղթակիցը։

Դրանց թվում են.

Քրեական օրենսգրքում եւ հարակից օրենքներում փոփոխություններ եւ լրացումներ կատարելու մասին օրինագծերի փաթեթը (կողմ՝ 73, դեմ՝ 20, ձեռնպահ՝ 20);

«Քրեական դատավարության» եւ «Բանկային գաղտնիքի մասին» օրենքներում փոփոխություններ եւ լրացումներ կատարելու մասին օրինագծերի փաթեթը (կողմ՝ 73, դեմ՝ 37), ենթադրում է բանկային գաղտնիքի բացում;

«Սեփականության իրավունքների պետական գրանցման մասին» օրենքում փոփոխություններ կատարելու մասին օրինագիծը (կողմ՝ 110, դեմ՝ 1);

«Պետական կենսաթոշակների մասին» օրենքում փոփոխություններ մտցնելու մասին օրինագիծը (կողմ՝ 113, միաձայն)։

Բացի այդ, խորհրդարանականներն առաջին ընթերցմամբ հավանություն տվեցին մի շարք այլ օրինագծերի։ Այդ թվում.

«Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների եւ անհատ ձեռնարկատերերի պետական հաշվառման մասին» օրենքում լրացումներ կատարելու մասին օրինագծերի փաթեթը (կողմ՝ 106, միաձայն);

Քաղաքացիական օրենսգրքում փոփոխություններ կատարելու մասին օրինագիծը (կողմ՝ 111, միաձայն)։