Խորհրդարանը շարունակում է իր աշխատանքը. օրակարգում են «ՀՀ զինանշանի մասին» և «ՀՀ դրոշի մասին» օրինագծերը (ուղիղ)

Հայաստանի Ազգային ժողովում այսօր՝ հունվարի 21-ին շարունակվում են ԱԺ յոթերորդ գումարման չորրորդ նստաշրջանի հերթական նիստերը:

Այս քառօրյայի օրակարգում ընդգրկվել է 43 հարց, որոնցից 17-ը կքննարկվեն երկրորդ ընթերցմամբ:

Օրակարգում են «Հայաստանի Հանրապետության դրոշի մասին» օրենքում փոփոխություններ կատարելու մասին, «Հայաստանի Հանրապետության զինանշանի մասին» օրենքում փոփոխություններ կատարելու մասին, «Հայաստանի Հանրապետության բյուջետային համակարգի մասին» օրենքում փոփոխություններ եւ լրացումներ կատարելու մասին, «Տեսանկարահանող կամ լուսանկարահանող սարքերով հայտնաբերված ճանապարհային երթեւեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքում փոփոխություն կատարելու մասին հարցեր և այլ հարցեր։