Մենք որեւէ բուժհիմնարկ չենք փակում, մենք կարգավորում ենք ծառայությունների տեսակները․ Արսեն Թորոսյան
Մենք որեւէ բուժհիմնարկ չենք փակում, մենք կարգավորում ենք այնտեղ մատուցվող ծառայությունների տեսակները։ Այս մասին ֆեյսբուքյան ուղիղ եթերում հայտարարեց առողջապահության նախարար Արսեն Թորոսյանը։
Նա նշեց, որ ծննդօգնության ոլորտում կատարվող բարեփոխումները միայն բնակչության շահերից են բխում։
«Մենք ոլորտում ամենաշատ մեղադրանքները ստանում ենք մանկական եւ մայրական մահացությունների դեպքերով։ Ուզում եմ տեղեկացնել, որ ամենայն հավանականությամբ մանկական մահացության տեսանկյունից մենք շարունակական բարելավում կունենանք, սակայն նույնը չեմ կարող ասել մայրական մահացության դեպքերի վերաբերյալ։ Ամեն նման դժբախտ դեպքից հետո մենք ստանում ենք պահանջներ՝ կարգավորել մայրական մահացության դեպքերը, որ դրանք չլինեն։ Մեր գործողությունները հենց դրանով էլ պայմանավորված են, որ ծննդաբերությունը լինի այնպիսի բուժհաստատությունում, որ եթե մոր կամ երեխայի մոտ լինի չնախատեսված առողջական խնդիր, հնարավոր լինի շատ արագ կարգավորել եւ փրկել , ոչ թե ստիպված լինել ավելի բարձր մակարդակի ծննդատուն տեղափոխել։ Մեր գործողությունները որեւէ ֆինանսական օգուտ չեն տալու երկրին, ֆինանսավորման հետ կապ չունեն, կապ ունեն մանկական եւ մայրական մահացություններիկանխարգելման կամ իջեցման հետ»,-նշեց նա։
Արսեն Թորոսյանը հորդորեց մարդկանց չպնդել ավելի մոտ բուժհաստատությունում ստանդարտից ցածր բուժօգնության առկայության շուրջ․
«Ես նշել եմ, որ մի քանի կիլոմետր ավելի մեքենայով վարելը ավելի քիչ դժվարություն է ներկայացնում, քան մեկ ծննդկանի կամ երեխայի կյանքը փրկելը։ Ես ուզում եմ, որ այդ ուղղությամբ մտածենք, ոչ թե փողոց փակելով կամ սպառնալիքի, շանտաժի կամ այլ միջոցներով պնդենք ստանդարտից ցածր ծառայության առկայություն ավելի մոտ բժշկական հաստատությունում»։
Հիշեցնենք, որ օրերս Շիրակի մարզի Անի խոշորացված համայնքի Մարալիկ քաղաքի բնակիչները փակել էին Գյումրի–Երեւան ճանապարհը։ Նրանք պահանջում էին չեղարկել Մարալիկի առողջության կենտրոնի ծննդաբերական բաժանմունքի փակման որոշումը։ Ի դեպ, ըստ տվյալների`2018 թվականին Մարալիկի առողջության կենտրոնի մանկաբարձական ծառայությունից օգտվել է 126 ծննդկան, իսկ 2019-ին` 105:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Լրատվամիջոցների ու լրագրողների իրավունքների խախտումների թիվը նվազել է
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ