ԱՄՆ-ը ծրագրել էր սպանել իրանցի մեկ այլ հրամանատարի՝ Եմենում The Washington Post

«Ալ-Քուդս» հատուկ նշանակության ուժերի ղեկավար, գեներալ Քասեմ Սուլեյմանիի սպանության օրը ԱՄՆ զինված ուժերը փորձել են չեզոքացնել Եմենում իրանական մեկ այլ բարձրաստիճան պաշտոնյայի, հայտնում է The Washington Post-ը՝ հղում անելով աղբյուրներին: Խոսքը Աբդուլլա Ռեզա Շահլայիի՝ ֆինանսական մասնագետի և «Քուդսի» հիմնական հրամանատարի մասին է: Սակայն Վաշինգտոնին չի հաջողվել սպանել նրան, գրում է թերթը:

Հրապարակման համաձայն, Աբդուլլա Ռեզա Շահլայիին վերացնելու փորձերը կարող են հետագայում ևս կրկնվել: ԱՄՆ վարչակազմը կարծում է, որ նա մասնակցել է ԱՄՆ-ի և նրա դաշնակիցների դեմ մի շարք հարձակումների: Ներկայումս գործողությունը մնում է գաղտնագրված: Դա, ամենայն հավանականությամբ, կապված է ԱՄՆ զինծառայողների ձախողման հետ, հավելել են աղբյուրները, եթե Շահլայիին վերացնելը հաջողվի, Միացյալ Նահանգները կխոսեն այդ մասին:

Հիշեցնենք, որ Քասեմ Սուլեյմանին սպանվել էր հունվարի 3-ին՝ ԱՄՆ օդային հարձակման ժամանակ: Հունվարի 8-ին Իրանը հարձակվել է իրաքյան Ասադի և Էրբիլի երկու ամերիկյան ռազմակայանների վրա: Այսպես իշխանությունները արձագանքեցին Բաղդադում Իրանի գեներալ Քասեմ Սուլեյմանիի սպանությանը:

Կարդացե՜ք նաև

Իրանցի գեներալ Ղասեմ Սուլեյմանիի սպանության հետեւանքները Հայաստանի եւ տարածաշրջանի համար