Ճապոնացի միլիարդատերը Twitter-ում ավելի քան 9 մլն դոլար կբաժանի

Ճապոնացի միլիարդատերը Twitter-ում ավելի քան 9 մլն դոլար կբաժանի, որ պարզի՝ արդյոք դա մարդկանց ավելի երջանիկ կդարձնի՞: Այն ամենը, ինչ նրանք պետք է անեին, նրան վերաթվիթելն էր, հայտնում է CNN-ն:

Յուսակու Մաեզավան Twitter-ի օգտատերերի շրջանում կբաժանի 1 մլրդ իեն (մոտ 9 մլն դոլար): Հաղթողներից յուրաքանչյուրը կստանա 1-ական միլիոն իեն (մոտ 9 100 դոլար):

Մագնատը YouTube-ում հրապարակված հայտարարության մեջ մրցույթն անվանել է «լուրջ սոցիալական փորձություն», որը կօգնի հասկանալ, թե միլիոն իենը ինչ ազդեցություն կարող է ունենալ մարդու կյանքի վրա:

Մաեզավան մասնակիցներին կոչ է արել փողն օգտագործել «սրտի ուզածի պես» եւ պատասխանել պարբերական հարցերին այն մասին, թե ինչպես են այն օգտագործում:

Գրեթե ցանկացած մարդ իրավունք է ունեցել ստանալու Մաեզավայի կարողությունից մի կտոր: Այն ամենը, ինչ նրանք պետք է անեին, մինչեւ հունվարի 7-ի կեսգիշեր հայտարարությամբ թվիթը վերաթվիթելն էր:

Դա արել է ավելի քան 4 մլն մարդ: Հաղթողը կորոշվի վիճակախաղով:

Ըստ Forbes-ի Մաեզավայի կարողությունը մոտ 2 մլրդ դոլար է: Նա ներկայանում է որպես էկլեկտիկ միլիարդատեր՝ ռոք երաժիշտ, բազմախոստումնալից լուսնային զբոսաշրջիկ եւ արվեստի ստեղծագործությունների հավաքորդ: