Քաղաքացիների տեսանկարահանման հիման վրա տնտեսվարողին՝ ՀԴՄ չտալու համար տուգանելը հղի է վտանգավոր հետևանքներով
Առաջարկը, որ քաղաքացիները տեսանկարահանեն այն դեպքերը, երբ տնտեսվարողները չեն տրամադրում հսկիչ դրամարկղային կտրոններ, ֆիզիկական անձանց դարձնում է «գործ ներկայացնողներ», «գործ բստրողներ», իսկ քաղաքացիների կողմից տեսանկարահանումը հղի է շատ վտանգավոր հետևանքներով: Այս մասին Tert.am-ի հետ զրույցում ասաց տնտեսագետ, ԱԺ նախկին պատգամավոր Վարդան Բոստանջյանը՝ անդրադառնալով վարչապետ Նիկոլ Փաշինյանի առաջարկությանը:
«Յուրաքանչյուր քաղաքացի կարող է բազմաթիվ սուբյեկտիվ հանգամանքներից ելնելով այնքան կեղծ իրավիճակներ ստեղծել, որ ՀԴՄ կտրոնների տրամադրումը վերահսկելու փոխարեն, այն դառնա չարիք հասարակության համար: Այն էլ մեր իրականության պայմաններում, որտեղ «պողոսները» շատ-շատ են»,- ասաց տնտեսագետը:
Կառավարության այսօրվա նիստին վարչապետ Նիկոլ Փաշինյանն առաջարկել է քաղաքացիների տեսանկարահանման հիման վրա տնտեսվարողին տուգանել ՀԴՄ չտալու համար: Նիկոլ Փաշինյանն ասել է, որ շարունակում է ահազանգեր ստանալ՝ տնտեսվարողների կողմից ՀԴՄ կտրոններ չտրամադրելու վերաբերյալ. «Կարծում եմ սա ճիշտ ճանապարհ է, սակայն իրավաբանները պետք է եզրակացություն տան, թե ինչքանով է այս գաղափարը հակասում է մեր կարգավորումներին, բայց պետք է գնալ այդ ճանապարհով, որովհետև խոսքն ազգային հարստության մասին է»,- ասել էր վարչապետը:
Ավելի վաղը ընդունվել էր ԱԺ «Իմ քայլը» խմբակցության պատգամավորներ Սիսակ Գաբրիելյանի ու Արմեն Փամբուխչյանի հեղինակած «Տեսանկարահանող կամ լուսանկարահանող սարքերով նկարահանված ՃԵԿ խախտումների վերաբերյալ իրականացվող վարչական վարույթի մասին օրենքում փոփոխություններ և լրացումներ անելու» նախագիծը, որով ճանապարհային երթևեկության կանոնների խախտումն կարող են արձանագրել ոչ միայն ճանապարհներին տեղադրված տեսախցիկները, այլև ցանկացած անձ, ով ունի տեսանկարահանող ու լուսանկարահանող որևէ սարքավորում:
Վարդան Բոստանջյանի խոսքով՝ պետությունը պետք է ունենա կանոնակարգման այնպիսի մեխանիզմներ, որոնք կբացառեն կամ նվազագույնը կհասցնեն անհատի դերը վերահսկողական գործընթացում:
«Հասարակութունը պետք է զբաղված լինի ռացիոնալ, արդյունավետ գործունեությամբ: Հիմա ստացվում է, որ յուրաքանչյուր քաղաքացի պետք է իր հիմնական գործը թողնի և զբաղվի դրանցով: Բացի այդ, փաստորեն, ուղեղային փոքր հնարավորություններ ունեցողներին, հոգով չար սուբյեկտներին հրավիրում ես գործունեության, որի հետևանքով ոչ թե նրանք օգուտ են բերում, այլ իրավիճակը խառնում են»,- նշեց նա:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Օդի ջերմաստիճանն աստիճանաբար կնվազի 5-7 աստիճանով