Պայթուցիկից տուժած երեխայի երկու մատը վերականգնվել է

«Երեխայի ձեռքի վիրահատությունը տևեց 3 ժամ և հաջողվեց վերականգնել առաջին և երրորդ մատները»,-հայտնում է «Սուրբ Աստվածամայր» ԲԿ-ի տնօրենը:

Պայթուցիկի հետեւանքով 2 մատները կորցրած 10-ամյա Գարուշ Թարվերդյանն այսօր` դեկտեմբերի 9-ին, դուրս է գրվել Երեւանի Սուրբ Աստվածամայր բժշկական կենտրոնից:

«Երեխան մեզ մոտ է տեղափոխվել բազմաթիվ կոտրվածքներով, մկանների ջնջխումներով, ձեռքի մեջ օտար մարմիններով և լուրջ տրավմատիկ վնասվածքներով: Վիրահատությունից հետո երեխայի ձեռքը կաշխատի, բացակայում է երկրորդ մատը, որը հետագայում հնարավոր կլինի վերականգնել»:

Հիշեցնենք, որ պայթուցիկի պայթյունի հետևանքով տղայի բութի ու ցուցամատի ծայրային ֆալանգները անդամահատվել էին, իսկ միջնամատը բժիշկներին հաջողվել էր պահպանել։ Տղան որոշել է` ոչ միայն ինքը այլևս չի գնելու պայթուցիկ, այլ նաև իր ընկերներին չի թողելու։

Բժշկի տեղեկացմամբ՝ այս տարի վնասներ են կրել և՛ երեխաներ, և՛ բազմաթիվ մեծահասակներ: Նախորդ տարիների համեմատ, սակայն, վնասվածք ստացած երեխաների թիվը նվազել է:

Հիշեցնենք, որ Դեկտեմբերի 30-31-ին Հայաստանի Հանրապետության բժշկական կենտրոններ դիմել են պայթուցիկներից/հրավառություններից տուժած 52 անձ, այդ թվում.

➢ 8 (15%) երեխա (7-14 տարեկան), 7 (13%) դեռահաս (15-17 տարեկան) և 37 (72%) մեծահասակ (18 տարեկան և բարձր),

➢ 49 դեպքում տուժածները ստացել են դաստակի և նախադաստակի տարբեր տեսակի վնասվածքներ։