Ամստերդամը զբոսաշրջիկների համար նոր հարկ է սահմանել

Զբոսաշրջիկներն Ամստերդամում 2020 թվականից սկսած ստիպված կլինեն ամեն գիշերվա համար լրացուցիչ 3-ական եվրո վճարել, հայտնում է ՌԻԱ Նովոստին՝ հղում կատարելով The Telegraph-ին։

Նոր հարկը ներդրվել է հունվարի 1-ից, որպես հավելում բնակության արժեքի 7 տոկոսի չափով արդեն գոյություն ունեցող վճարմանը։ Ընդ որում, այն զբոսաշրջիկները, որոնք ընտրում են Airbnb-ի միջոցով ամրագրումը, այժմ ստիպված կլինեն մեկ գիշերվա համար վճարել ավելի շատ՝ 10 տոկոս։

Ամեն տարի Ամստերդամ, որտեղ մշտապես ապրում է 1,1 միլիոն մարդ, ժամանում է 17 միլիոն զբոսաշրջիկ։ Իշխանությունները վերջին ժամանակներս հրաժարվել են Նիդեռլանդների մայրաքաղաք հյուրերի գրավումից եւ փորձում են գլուխ հանել այցելուների արդեն գոյություն ունեցող հոսքից։

«Իրավիճակը վերահսկելու համար մեզ պետք է գործել։ Այս ուղղությունն առաջ մղելու փոխարեն, եկել է դրա մենեջմենթով զբաղվելու ժամանակը»,- ասվում է 2019թ․ պաշտոնական փաստաթղթերից մեկում։