Չինաստանում տուգանել են տղամարդու, որը մետաղադրամ է նետել ինքնաթիռի մեջ հաջող վայրէջքի համար

Չինաստանում տուգանել են տղամարդու, որը մետաղադրամ է նետել ինքնաթիռի մեջ հաջող վայրէջքի համար։ Դա նրա վրա 120 հազար յուան (23 220 դոլար) է նստել։

Լու Չաոն խոստովանել է, որ մետաղադրամը նետել է Lucky Air ինքնաթիռի մեջ։ Ավիաընկերության անձնակազմը հայտնաբերել է երկու մետաղադրամ ինքնաթիռների շարժիչների մոտ։ Lucky Air 8L9960 չվերթը Անցինից ուղեւորվում էր Կունմին եւ չեղարկվել է շարժիչը զննելու համար։

Մոտ 161 ուղեւոր ստիպված դուրս է եկել ինքնաթիռից, եւ ավիաընկերությունը պետք է կեցության վայր տրամադրեր եւ փոխեր նրանց տոմսերը։

Ինչպես տեղեկացնում է South China Morning Post-ը, ավիաընկերությունը կորցրել է ավելի քան 123 հազար յուան (23 800 դոլար) այս արարքի պատճառով։ Lucky Air-ը հայց է ներկայացրել Լուի դեմ, որը կալանավորվել է ոստիկանության կողմից «հանրային կարգը խախտելու» պատճառով։

Լուն, ի պաշտպանություն իրեն, ասել է, որ Lucky Air-ը պետք է զգուշացներ ուղեւորներին, որպեսզի նրանք մետաղադրամներ չնետեն ինքնաթիռի մեջ։ Նա ասել է, որ չի կարող վճարել տեխնիկական սպասարկման ծախսերը, քանի որ դրանք «չափազանց բարձր» են։