Հրայր Թովմասյանին մեղադրանք առաջադրելը հանցագործություն է. Դավիթ Հարությունյան
ՍԴ նախագահ Հրայր Թովմասյանին մեղադրանք առաջադրելը հանցագործություն է, քանի որ խախտվել է անձեռնմխելիության ինստիտուտը։ Այս մասին ՍԴ-ում լրագրողների հետ զրույցում ասաց ՀՀ արդարադատության նախկին նախարար Դավիթ Հարությունյանը:
«Հրայր Թովմասյանը նշանակվել է նախորդ սահամանդրության ուժով, եւ նրա նկատմամբ անձեռնմխելիությունը գործում է ամբողջ ծավալով, այսինքն՝ առանց Սահմանադրական դատարանի համապատասխան ակտի, Հրայր Թովմասյանին մեղադրանք առաջադրելն ինքնին հանցագործություն է, որը սահմանված է ՔՕ-ի 309-րդ հոդվածով։ Հաշվի առնելով, որ այս գործը գտնվում է գլխավոր դատախազի անմիջական վերահսկողության ներքո, նա է պատասխանատու: Վստահ եմ, որ փաստաբաններն այդ հարցը կարծարծեն, թեեւ շատ փոքրիկ, բայց հույս ունեմ, որ գլխավոր դատախազը չի դառնա 309-րդ հոդվածով կատարած հանցագործության հանցակիցը։ Այն, որ տվյալ պարագայում ակնհայտորեն խախտված է անձեռնմխելիության ինստիտուտը, դա միանշանակ է»,- ասաց Դավիթ Հարությունյանը։
Հարությունյանը նշեց, որ ՀՔԾ որոշումը պետք է վիճարկվի եւ բողոք ներկայացվի ՀՀ գլխավոր դատախազին, որի պարտականություննէ հետեւել սույն գործի նկատմամբ օրինականությանը.
«Եթե լիներ հակառակը, օրինակ՝ դատավորը նշանակվել է, եւ, եթե անձեռնմխելիությունը վերաբերեր միայն այն ժամանակահատվածի գործողություններին, երբ ինքը դատավոր էր, ապա հարցի էությունը կվերանար։ Հենց որ անձը զբաղեցնում է դատավորի պաշտոնը անձեռնմխելիությունը տարածվում է ոչ միայն այն ժամանակահատվածի վրա, երբ ինքը դատավորի պաշտոնն է զբաղեցնում, այլ ցանկացած նախորդող ժամանակահատվածի վրա»։
Դավիթ Հարությունյանը շեշտեց, որ պետք է քննիչի նկատմամբ քրեական հետապնդում հարուցվի՝ 309-րդ հոդվածով.
«Դասական գործընթաց է, պետք է բողոքը ներկայացվի գլխավոր դատախազին, որի պարտականությունն է հետեւել այս գործի նկատմամբ օրինականությանը։ Եթե լինեինք իրավական պետություն, ապա պետք է քննիչի նկատմամբ քրեական հետապնդում հարուցվեր՝ 309-րդ հոդվածով»։
Ավելի վաղ հայտնել ենք, որ ՀՀ ՍԴ նախագահ Հրայր Թովմասյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ