«Մեր» պատասխանն է Սոբչակ. Սեդոկովան 40 պլյուս կանանց աջակցել է անկեղծ լուսանկարով

Երգչուհի Աննա Սեդոկովային դուր չի եղել Քսենիա Սոբչակի վերջին, սկանդալային հրապարակումն այն մասին, որ 40 պլյուս կանանց վայել չէ մերկանալ տեսախցիկի առաջ։ Օրերս 37-ամյակը նշած Սեդոկովան նկատել է. «Օրեր առաջ ես 37 տարեկան եմ դարձել։ Նշանակո՞ւմ է՝ ընդամենը 3 տարի ունեմ՝ նման լուսանկարներ հրապարակելու համար առանց հանրային գործիչների կշտամբանքի»։ Իհարկե, նաեւ «մերկ» լուսանկար է հրապարակել՝ որպես ակնառու ցուցադրություն։

«Իսկ երեք տարի անց, ես ինչ է, դդմի՞ եմ վերածվելու։ Որքան են ինձ հոգնեցրել այդ կարծրատիպերը, որոնք տարիներ շարունակ լցրել են մեր կանանց գլուխները»,- իր տարակուսանքն է հայտնել երգչուհին եւ կողմերին առաջարկել չվիճել։ «Ես հիացած եմ Սվետլանա Բոնդարչուկի ոտքերով, Վերոնիկա Բելոցերկովսկայայի մկանուտ որովայնով, Օքսանա Լավրենտեւայի նստատեղով ու Քսենիա Սոբչակի ուղեղով»,- հայտարարել է Աննան եւ կոչ արել դադարել «ուժերը չափել» տղամարդկանց նման։

Ի դեպ, բացի Սեդոկովայից՝ Քսենիային արդեն իսկ պատասխանել են Բոնդարչուկը, Բելոցերկովսկայան եւ նույնիսկ 57-ամյա հայտնի դերասանուհի Ելենա Վալյուշկինան, որը կարծում է, որ իր հրապարակմամբ Սոբչակը 40 տարեկանից մեծ կանանց ոչ միայն զրկել է մերկանալու իրավունքից, այլեւ նրանց արգելել վայելել կյանքը։