Աշխատանքի հրավե՞ր, թե՞ գործատուի քմահաճույք
«Հայաստանի Հանրապետությունը» գրում է. «ՀՀ աշխատանքային օրենսգիրքը որքան էլ կարգավորի գործատուի և պոտենցիալ աշխատողի հարաբերությունները, աշխատանքի տերը, ի վերջո, գործատուն է, և, որքան էլ նա պահպանի աշխատանք առաջարկելու ձևական կողմը՝ հայտարարություն տալն ու CV-ներ պահանջելը, առաջարկվող աշխատանքի դիմաց հաճախ նաև այնպիսի պահանջներ է դնում աշխատանք փնտրողի առջև, որ ակամա մտածմունքի տեղիք է տալիս. գործատուն ինքը հասկանո՞ւմ է այն աշխատանքից, որ առաջարկում է և պատկերացնո՞ւմ է հմտությունների շրջանակը, որն անհրաժեշտ է տվյալ աշխատանքը կատարելու համար... Հաճախ չպատկերացնելով աշխատանքի ծավալն ու բարդությունը, դրա վրա ծախսվելիք ժամանակն ու նյութական ռեսուրսը, թերի, կիսատ-պռատ ներկայացնելով այն, միաժամանակ դիմումատուից պահանջում է առաջարկվող աշխատանքի փորձառություն, հաճախ էլ անտեղի տանել-բերելով, վատնելով այլոց ժամանակն ու նյարդեր քայքայելով։ Տարրական հարգանքը մարդու ժամանակի ու ինքնասիրության հանդեպ քողարկվում է երեսպաշտական ժպիտներով, իսկ դրանից ոչ ոք օգուտ չի քաղում՝ ո՛չ գործատուն, ո՛չ դիմողը։
Կադրեր պատրաստելը, կադրերի նկատմամբ հոգատար, ուշադիր լինելը բխում է նախ և առաջ գործատուի շահերից ու նրա հեղինակությունից, ինչը եթե չասենք՝ չեն հասկանում, ապա, գոնե, չեն պատկերացնում շատ գործատուներ։ Դա բացատրվում է ոչ միայն նրանց մեծամտությամբ, աշխատողին վերևից նայելու գեշ սովորությամբ, իբր, գործի տեր են ու գործ առաջարկող, այլև, մեղմ ասած, անգիտությամբ և, շատ դեպքերում, նոր սկսած գործի մեջ խորամուխ չլինելու հանգամանքով, երբ դեռևս գործ սկսողն ինքը չի պատկերացնում սկսած գործի էությունը։
Եզրակացությունն այնքան էլ մխիթարական չէ՝ կա՛մ գործատուին չեն հետաքրքրում օրինական ճանապարհով աշխատանք փնտրողները, և նա ձևականորեն է հայտարարություն տարածում՝ աչքի տակ ունենալով արդեն իսկ ընտրված, ծանոթ թեկնածուին, կա՛մ գործատուն ինքը հասուն չէ աշխատանք առաջարկելու հարցում, կա՛մ արհամարհում է աշխատողին ընդհանրապես, ինչի արդյունքում ինչ-որ կերպ ձևավորված կամ չձևավորված կամ ձևավորման փուլում գտնվող աշխատաշուկան չի կայանում որպես մշակութային արժեք կրող համակարգ, առանց որի դժվար է պատկերացնել երկրի ու հասարակության զարգացման առաջընթացը որևէ ասպարեզում»,-գրում է թերթը։
Մանրամասները՝ թերթի այսօրվա համարում:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ