Ստյոպա Սաֆարյանը՝ Հանրային խորհրդի նախագահ
Կառավարությունը դեկտեմբերի 19-ի նիստում Հանրային խորհրդի նախագահ նշանակեց Ստյոպա Սաֆարյանին։
ՀՀ վարչապետ Նիկոլ փաշինյանը նշեց. «Այո, ես եմ առաջադրել պարոն Սաֆարյանի թեկնածությունը եւ ուրախ եմ դրա համար: Պարոն Սաֆարյանը երկար տարիների ՀՀ-ում հանրային, քաղաքական գործունեություն է ծավալում եւ կարծում եմ, որ այս նոր կարգավիճակում նրա գործունեությունը ավելի արդյունավետ կլինի ի շահ Հայաստանի, Արցախի եւ հայ ժողովրդի։
Իր ստեղծման օրից Հանրային խորհրդի գոյության, նպատակահարմարության հարցը միշտ էլ հարցականի տակ է եղել: Վերջին շրջանում եւս այդ թեմայով բազմաթիվ քննարկումներ կան եւ ընդդիմության, եւ իշխանության շրջանում: Իրականում շատ ծանր առաքելություն է լինելու: Դուք Հանրային խորհրդի երկրորդ նախագահն եք լինելու: Սա ըստ էության, Հանրային խորհրդի վերջին շանսն է ապացուցելու, որ ինքը որպես կառավարության խորհրդատվական մարմին իսկապես կարող է լինել արդյունավետ: Անկեղծ ասեմ, ես ինքս հավատում եմ: Այս ընթացքում ունեցել եմ էֆեկտիվ խորհրդատվական մարմին ունենալու անհրաժեշտություն: Ցավոք, իրականությունը բոլորովին այլ է եղել: Պատրաստ եմ ինձնից կախվածն անել, որ Հանրային խորհուրդը որպես այդպիսի մարմին եւ հարթակ կայանա: Թույլ տվեք ասել, որ Հանրային խորհուրդը կարող է լինել նաեւ արտախորհրդարանական ուժերի հետ հանդիպման հարթակ: Դա նույնպես կարեւոր ուղղություն է»,-հայտարարեց վարչապետը:
Ստյոպա Սաֆարյանն իր հերթին նշեց․ «Անկեղծ ասած, սա իմ կյանքում ամենաանսպասելի առաջարկներից մեկն է եղել, որ ես ստացել եմ: Մեծագույն պատիվ է աշխատել Հայաստանի Հանրապետության, Արցախի Հանրապետության համար, նրանց շահերի համար: Մեծագույն հաճույք եւ պատիվ է աշխատել նոր Հայաստանի կառավարության գործընկերությամբ: Կփորձեմ ինձնից կախված, իմ ներուժի բոլոր հնարավորությունների շրջանակներում ապահովել կամուրջներից մեկը կառավարության եւ հանրության միջեւ: Չենք հավակնում լինել միակ կամուրջը, բարեբախտաբար դրանք շատ են: Բայց խոստանում ենք հանրության ձայնը հասցնել կառավարությանը, մեր բոլոր գործընկերներին, հասցնել ձեզ, օգտակար լինել խորհուրդներով»:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ