Այն, որ Ադրբեջանն արտահերթ ընտրությունների է գնալու, պարզ էր դեռ ամառվանից. Անժելա Էլիբեգովա
Խոսակցություններն այն մասին, որ Ադրբեջանն արտահերթ ընտրությունների է գնալու, պարզ էր դեռ ամառվանից, որի պատճառով ընդդիմությունը ահազանգում էր, պատճառաբանելով, որ արհեստականորեն երկարացվում էին պառլամենտական «սեսիաները»: Այս մասին Արման Սաղաթելյանի հեղինակային «Անվտանգության գործոն» հաղորդման ընթացքում ասել է Ադրբեջանի հարցերով փորձագետ Անժելա Էլիբեգովան:
Հաղորդման շրջանակներում նրանք զրուցել են Ադրբեջանի տեղեկատվական և քարոզչական դաշտի վերաբերյալ:
Ըստ Սաղաթելյանի՝ մենք շատ լավ գիտենք, որ օբյեկտիվ իրականությունն ու այն, ինչ կատարվում է ադրբեջանական տեղեկատվական և քարոզչական դաշտում, մեկը մյուսի հետ քիչ առնչություն ունեցող երևույթներ են:
«Ավաղ, վերջին շրջանում փորձագիտական կարծիքները և մշտադիտարկումն առ այն, թե ինչ է կատարվում այդ երկրում, երբեմն իմանում ենք, իսկ այն, թե ինչ է իրականում կատարվում, հիմնականում չենք իմանում: Այդ բացը լրացնելու համար պետք է փորձենք հասկանալ, թե մենք ինչ փուլում ենք քարոզչական հակամարտության և քարոզչական պատերազմի ֆրոնտում և ինչպիսի դաշտերի կամ ինչ մեսիջների շուրջ է կառուցվում ներկայիս ադրբեջանական քարոզչությունը և ինչ ուղղություններով է ընթանում այն»,- նշել է Սաղաթելյանը և հավելել, որ պառլամենտական ընտրությունները լինելու են ավելի շուտ, քան նախատեսված է օրենքով, և որ կան կադրային տեղաշարժեր Ադրբեջանում.
«Այսպես կոչված՝ հին գվարդիայի մարդիկ համակարգից հեռանում են: Այդ մարդիկ տարիներ ի վեր ղեկավարել են Ադրբեջանի տեղեկատվական, քարոզչական, այդ թվում նաև հակահայկական քարոզչական բլոկն ամբողջությամբ: Գիտենք նաև, որ կա որոշակի ակտիվություն Ադրբեջանի փոխնախագահի համատեղությամբ: Մեհրիբան Ալիևայի գլխավորությամբ տեղի ունեցավ այց Ռուսաստան, որից հետո ընդդիմության կողմից եղան փորձեր՝ ցույցերի և այլ գործիքակազմի միջոցով՝ նախապատրաստվելու այդ ընտրություններին, դիրքավորվելու և կոնսոլիդացվելու»,-ասաց նա:
Էլիբեգովայի կարծիքով՝ խոսակցություններն այն մասին, որ Ադրբեջանն արտահերթ ընտրությունների է գնալու, պարզ էր դեռ ամառվանից, որի պատճառով ընդդիմությունն ահազանգում էր՝ պատճառաբանելով, որ արհեստականորեն երկարացվում էին պառլամենտական «սեսիաները»:
«Դրանից եզրակացվեց, որ մի բան այն չէ: Իշխող կուսակցության կողմից դա պաշտոնապես հերքվեց՝ նշելով, որ պառլամենտն իր էֆֆեկտիվությամբ լիովին բավարարում է և արտահերթ ընտրությունների գնալու որևէ խնդիր չկա, և դա կլինի 2020 թվականի աշնանը, ինչպես և պլանավորված էր»,- իր խոսքում նշել է փորձագետը՝ հավելելով, որ քանի որ նման բան արդեն արվել էր Իլհամ Ալիևի ընտրությունների հետ կապված, ընդդիմադիրների կողմից կային մտավախություններ առ այն, որ ներկայիս իշխանությունը կարող էր անել դա նաև հիմա:
«Այսպիսով, Մեհրիբան Ալիևան մտնում է նախապատրաստական փուլ՝ որպես ժառանգ և իրեն պետք է իր թիմը պառլամենտում, այս ամենը նա հիմնավորում է երիտասարդ, աշխատող կադրերի անհրաժեշտությամբ, որի հենքը պառլամենտում այս ընտրություններով Մեհրիբան Ալիևան կապահովի իր օգտին»,- ասել է Էլիբեգովան:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ