«Ո՞ւմ նյարդերն ավելի շուտ տեղի կտան». փորձագետ Վլադիմիր Ֆիտինը գնահատել է ԱՄՆ-ի և Թուրքիայի հարաբերությունները
Պենտագոնում մեկնաբանել են Թուրքիայի նախագահ Ռեջեփ Թայիփ Էրդողանի խոսքերն ամերիկյան ռազմաբազաների հնարավոր փակման մասին: Радио Sputnik-ի եթերում փորձագետ Վլադիմիր Ֆիտինը գնահատել է կողմերի դիրքորոշումները: Փորձագետը նշել է, որ Անկարայի և Վաշինգտոնի դիմակայությունն ընթանում է բավականին երկար ժամանակ, և ոչ ոք չի ցանկանում զիջել դիրքերը:
«Իրավիճակը հիմա այսպիսին է. ում մոտ ավելի շուտ տեղի կտան նյարդերը: Որովհետև արդեն տևական ժամանակ է, ինչ Միացյալ նահանգները պայքարում է Թուրքիայի դեմ, որպեսզի վերջինիս մտցնի ընդհանուր նատօական գծի մեջ, որպեսզի Թուրքիան չառանձնանա ինքնուրույն մտադրություններով և ցույց չտա մյուսներից տարբերվող իր շահերը: Բայց կշեռքի երկու նժարներին տարբեր բաներ են դրված: Մի կողմից ամերիկացիները ցանկանում են ամեն բան անել, որ Թուրքիան ամբողջովին հետևի Վաշինգտոնի հրահանգներին, մյուս կողմից, նրանք հասկանում են Թուրքիայի բանակի կարևորությունը ՆԱՏՕ-ի ներուժի տեսանկյունից. սա ուժով ՆԱՏՕ-ի երկրորդ բանակն է, որն ապահովում է դաշինքի արևելյան թևը»,-ասել է Վլադիմիր Ֆիտինը:
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ ի պատասխան ԱՄՆ Սենատի կողմից Հայոց ցեղասպանության ճանաչման, չի բացառվում, որ Թուրքիան կփակի իր տարածքում գտնվող ԱՄՆ-ի ռազմաբազաները:
Պենտագոնում մեկնաբանել են Թուրքիայի նախագահ Ռեջեփ Թայիփ Էրդողանի խոսքերը:
«ԱՄՆ-ի ուժերի ներկայությունը թուրքական բազայում, այդ թվում՝ «Ինջիրլիք» բազայում, թուրքական կառավարության թույլտվությամբ է: Մենք մեր ուժերի ներկայությանը Թուրքիայում նայում ենք որպես բազմամյա համագործակցության պարտավորություն և մեր դաշնակցի պաշտպանություն ՆԱՏՕ-ի և ռազմավարական համագործակցության շրջանակում»,- տեղեկացրել էր Պենտագոնի ներկայացուցիչը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ