Բեյրութի կենտրոնում ջարդերն ու անկարգությունները դադարել են
Բեյրութի կենտրոնում անկարգությունները դադարել են: Անվտանգության ուժերը իրավիճակը լիովին վերահսկում են, «ՌԻԱ Նովոստի»-ին հայտել է մայրաքաղաքի կենտրոնում զոհվածների հրապարակում խաղաղ ցույցի մասնակիցներից մեկը:
Ոստիկանական ուժերն ավելի վաղ բոլոր ջանքերը ներդրել էին, որ կանխեն Բեյրութի կենտրոնական հրապարակներ շիական կուսակցությունների կողմնակիցների ներթափանցելու փորձերը, որտեղ գտնվում էին խաղաղ ցուցարարների վրանները: Ագրեսիվ տրամադրված մարդկանց խմբերը ոստիկանների վրա քարեր եւ դյուրավառ խառնուրդով շշեր էին նետել:
Լիբանանյան լրատվամիջոցների տեղեկություններով՝ ոստիկանությանը հաջողվել է ցրել շիական կուսակցությունների կողմնակիցներին: Սակայն անկարգությունների հետեւանքով վնասվել են կայանված ավտոմեքենաները: Ցուցարարների եւ կարգի պահապանների թվում տուժածներ կան: Ներքին զորքերի ուժեղացված ստորաբաժանումները շարունակում են մնալ բարձր պատրաստականության վիճակում:
Շիական կուսակցությունների կողմնակիցները առաջին անգամ չէ, որ Բեյրութի կենտրոնում եւ մյուս քաղաքներում հարձակվում են խաղաղ ցուցարարների վրա: Նախորդ անգամները տասնյակ շիաներ մահակներով ջարդել ու հրկիզել են ակտիվիստների վրանային քաղաքները եւ ծեծել խաղաղ ակցիաների մասնակիցներին:
Հոկտեմբերի 17-ին Լիբանանում սկսվել էին հակակառավարական ցույցեր: Չնայած հոկտեմբերի 29-ին վարչապետ Սաադ Հարիրիի կառավարության հրաժարականին, երկրում հուզումները չէին դադարել: Երկրի տնտեսական եւ ֆինանսական վիճակը շարունակում է մնալ ճգնաժամային վիճակում: Երկրի նախագահ Միշել Աունը հոկտեմբերի սկզբին հայտարարել էր, որ պետությունը տուժում է ֆինանսական շրջափակման եւ պատժամիջոցների պատճառով:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո