Իշխող ուժի անտնտեսվար քաղաքականության հետևանքով ՀՀ-ն կորցրեց 2 միլիարդ դոլարի ներդրում. Գևորգ Պետրոսյան
Այստեղ մարդիկ կան, որոնց դեմքը որևէ մեկը չի ճանաչել, բացի իրենց սեփական տանեցիներից, բայց այս երկու օրվա օրակարգը վերածվել է Ծառուկյանի անձնական գործունեության քննադատության: Այս մասին լրագրողների հետ զրույցում ասաց Աժ «Բարգավաճ Հայաստան» խմբակցության անդամ Գևորգ Պետրոսյանը` անդրադառնալով ԲՀԿ խմբակցության քաղաքական բոյկոտին և լքեց նիստերի դահլիճը:
«Այդ մարդը պետական բեռը իր վրա վերցնի, անձնական կապերը օգտագործելով, բերի երկու միլիարդի ներդրում ցանկանա անել, որ պոզ ու պոչ կպցնե՞ն, սա ի՞նչ թշնամանքի մթնոլորտ է, սա բացարձակ համերաշխության մթնոլորտ չէ: Ես բոլորի մասին չեմ ասում, բայց «Իմ քայլի» որոշ գործընկերներ միտումնավոր մթնոլորտը տանում են սրացման»,-ասաց նա և նշեց, որ իշխող կուսակցությունը նախընտրական խոստումներ է տալիս, բայց զրոյական վիճակում են և հիմա դոփում են տեղում:
«Փաստ այս է, այսօր իրենց անտնտեսվար քաղաքականության արդյունքում Հայաստանը կորցրեց երկու միլիարդ դոլարի ներդրում, դե հիմա թող գնան ժողովրդին պատասխան տան, թե որքանով են հավատարիմ նախընտրական խոստումներին»-ասաց նա:
Գևորգ Պետրոսյանը նշեց, որ բոյկոտը ուղղված չէ կառավարության, վարչապետի դեմ, սա իշխող խմբակցության այն ներկայացուցիչների գործողությունների դեմ է, ովքեր մոռացել են թե ինչի համար են այստեղ գործուղվել, ԱԺ-ն դարձրել են անձական հարաբերությունների հարթակ, և այս բոյկոտը կարող է ոմանց համար զսպաշապիկ լինել: «Որ հելնում, մի քիչ կոպիտ խոսում ենք, ասում են՝ մուննաթով ես խոսում, բա ի՞նչ անեմ»:
Պատգամավորը նշեց, որ Գագիկ Ծառուկյանը միշտ էլ թոփ թեմա է եղել, նայած, թե ով է ուզում այդ թեման զարգացնել: «Փաստն այն է, որ այսօր որոշ մարդկանց անտնտեսվար, անհեռատես պահվածքով, ասենք՝ ջինս է հագել, բա ի՞նչ պետք է հագներ կիրակի օրը, կարող է հարսանիք էր գնում: Հիմա էլ, գիտեք՝ ինչ մեծ ջանքեր են պահանջվելու, որ այդ մարդկանց համոզենք, հետ բերենք»,-ասաց նա և նշեց, որ ոչ միայն իշխող ուժը չի անում տնտեսական հեղափոխություն, այլ նաև չի թողնում մյուսները մասնակից լինեն:
Գևորգ Պետրոսյանը նշեց, այլախոհությունը երբեք Հայաստանի Հանրապետությունում նման գնդակահարված վիճակում որևէ իշխանության օրոք չի եղել: Նա ներկայացրեց իր անձնական կարծիքը, ըստ որի՝ որոշ մարդկանց քիմքին հաճելի չէր լինի, որ այդ ներդրումը վերագրվեր Գագիկ Ծառուկյանի հեղինակությանը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ