Կիմ Չեն Ընը սպիտակ ձի հեծած այցելել է Պեկտուսան լեռան ստորոտին գտնվող «հեղափոխական վայրեր» (լուսանկարներ)
Հյուսիսային Կորեայի առաջնորդ Կիմ Չեն Ընը սպիտակ ձիով այցելել է կորեացիների սուրբ լեռը համարվող Պեկտուսանի ստորոտին գտնվող մարտական փառքի վայրեր, որտեղ Երկրորդ համաշխարհային պատերազմի տարիներին տեղակայված են եղել ճապոնացիների դեմ կռվող պարտիզանների ճամբարները: Այս մասին տեղեկացնում է tass.ru կայքը՝ հղում անելով Կորեայի կենտրոնական հեռագրային գործակալությանը:
«Հարգելի բարձրագույն ղեկավարն իրեն ուղեկցող անձնակազմի հետ մարտական ձիերով այցելել է Պեկտու և հուզիչ կերպով հիշել պարտիզանների արյունալի պատմությունը, որոնք իրենց ալ կարմիր արյունը թափեցին Պեկտուում՝ այդպիսով գրելով Կորեական հեղափոխության պատմության առաջին մեծագույն էջը»,- ընդգծել է գործակալությունը:
Գործակալության տվյալների համաձայն` հակաճապոնական ճամբարներ այցելելու ընթացքում Կիմ Չեն Ընը հրամայել է ուժեղացնել երիտասարդության գաղափարախոսական դաստիարակությունը «Պեկտուի հեղափոխական ավանդույթներով», որպեսզի «կուսակցության անդամները, աշխատավորները, զինծառայողները, ուսանողներն ու դպրոցականները լցվեն Պեկտուի հեղափոխական ոգով», որպեսզի հաղթահարվեն ներկայում հանրապետությունում առկա դժվարությունները:
«Հիմա ամբողջ կուսակցությունը, ամբողջ բանակը և ամբողջ ժողովուրդը, չնայած իմպերիալիստների կողմից աննախադեպ շրջափակմանը և ճնշմանը, ամբողջ էներգիայով առաջ են մղում բարգավաճող և հզոր սոցիալիստական հայրենիքի կառուցումը՝ հենվելով սեփական ուժերի վրա: Եվ մենք պետք է պահպանենք և կյանքի կոչենք Պեկտուի հեղափոխական ավանդույթները՝ մեր հեղափոխության մեծ հանրագիտարանն ու մեր ազգի հավերժական ձեռքբերումը»,-հայտարարել է հյուսիսկորեացի առաջնորդը:
Նշվում է, որ ճամբարներ այցելելուց հետո Հյուսիսային Կորեայի առաջնորդը բարձրացել է Պեկտուսան լեռը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ