Արդարադատության նախարարության մոտից գողացել են մետաղական աղբամանը. կատարողներից «Մանգաղին» բռնել են, «Մուրճին» որոնում են

SHAMSHYAN.com-ի տեղեկություններով՝ երեկ՝ նոյեմբերի 30-ին, գողության դեպք է տեղի ունեցել Երևանում։ Ժամը 00։30-ի սահմաններում Վազգեն Սարգսյան փողոցի վրա գտնվող ՀՀ արդարադատության նախարարության գլխավոր մուտքի մոտից գողացել են մետաղական աղբամանը։

Ինչպես հայտնում է ֆոտոլրագրող Գագիկ Շամշյանը, դեպքի վայր ժամանած ոստիկանության կենտրոնական բաժնի ծառայողները պարզել են, որ գողությունը կատարել է Երևանի բնակիչ՝ 18-ամյա Արեգ Շ-ն, ով շրջապատում հայտնի է «Մանգաղ» մականվամբ։ Ոստիկանների բացատական աշխատանքների արդյունքում Արեգ Շ-ն ներկայացել է ոստիկանություն, որտեղ էլ պարզվել է, որ նա միայնակ չի գործել. նրա «գործընկերը» եղել է «Մուրճ» մականվամբ երիտասարդը, և նրանք եղել են Mercedes մակնիշի ավտոմեքենայով, որով էլ տեղափոխել են գողացված մետաղական աղբամանը։

Ոստիկանությունը ձեռնարկում է անհրաժեշտ օպերատիվ միջոցառումներ՝ «Մանգաղի գործընկեր Մուրճի» ինքնությունը պարզելու, նրան և գողոնը հայտնաբերելու ուղղությամբ։

Այս թեմայով Դանակահարել են ավտոբուսի վարորդին Երևանում 18-ամյա երիտասարդը բանկում ձևակերպել է ոսկու գրավով վարկ․ ոսկին կեղծ է եղել Էրեբունի-Աթոյան փողոցների խաչմերուկում կոտրել է երթևեկությունը կարգավորող լուսակիրը և հայտնվել երկաթե սյան մոտ Առատ ձյան հետևանքով Սյունիքի Տանձավետ-Աղվանի ճանապարհին 1.5 ժամ է՝ վարորդները չեն կարողանում շարժվել «Ford Transit»-ը ընկել է կամրջից