«ԿամԱԶ»-ները ջարդում են Կարգին Հայկոյի գլխին
Պարզվեց, որ քաղաքապետարանը 21 աղբատար «ԿամԱԶ» է նվեր ստացել, բայց այդ մասին հարկ չի համարել տեղեկացնել երեւանցիներին: Եւ ամենակարեւորը, նրանք հիմա էլ ասում են, թե չեն հիշում, թե ով է նվիրատուն:
Պատկերացնո՞ւմ եք, քաղաքապետարանի դռների մոտ հրմշտոց է, մշտական հրմշտոց: բոլորն իրարից առաջ ընկնելով նվերներ են հանձնում քաղաքապետարանին: Մեկը բեռնատարներ է նվիրում, մյուսը ավտոբուսներ, մյուսը շինանյութ՝ պոլիկլինիկաները նորոգելու համար, մյուսը վերելակներ, մյուսը՝ կամուրջի կառուցման համար անհրաժեշտ տեխնիկա եւ շինանյութ:
Դե արի ու այս հերթի մեջ հիշիր, թե ով ինչ է նվիրում: Իսկապես՝ չես հիշի: Իսկ եթե լուրջ, ապա հիմա բոլորը սեւեռվել են Կարգին Հայկոյի վրա, բայց իզուր: Իհարկե, նա մեղքի իր մեծ բաժինն ունի, բայց հիմա վերադառնանք իրականություն եւ հիշենք, թե ով պնդեց, որ քաղաքապետի իրենց թեկնածուն պետք է լինի Հայկ Մարությանը: Հիշեք ո՞վ երեւանցիներին կոչ արեց քվեարկել Մարությանի օգտին, ո՞վ նրա հետ լայվ մտավ եւ կատակներ արեց ուղիղ եթերում:
Եւ այսօր, երբ Կարգին Հայկոն արձակուրդից վերադառնալուց հետո կրկին արձակուրդ վերցրեց եւ փակվել քարանձավում, վկայում է հենց այն մասին, որ նա ամենաքիչ կապն ունի կամազային նվերների հետ: Ընդ որում, նա ամեն կերպ ուզում է հասկացնել, որ այդ «ԿամԱզ»-ները կոտրել են իր գլխին եւ դարձրել քավության նոխազ:
Իհարկե, սա Հայկ Մարությանի մեղքի բաժինը չի նվազեցնում: Վերջապես, ինչո՞ւ պետք է աղբահանության համար նվիրատված մեքենաների մասին հանրությունը ժամանակին չիմանար քաղաքապետից, ինչո՞ւ մինչեւ նոյեմբերի 28-ը տառապելով ամնեզիայով, նա չէր ցանկանում հիշել, թե ովքեր եւ որ կազմակերպություններն են այդ մեքենաները նվիրել մայրաքաղաքին:
Գաղտնի նվիրատվությունը եւ հատկապես այն թաքցնելն արդարացում չունի: Սրան հետեւում է հրաժարականը: Սրան հետեւում են արտահերթ ընտրությունները: Տարօրինակ լռություն է պահպանում վարչապետը, որը հավանաբար առաջիկայում կանդրադառնա այս հարցին:
Իսկ Կարգին Հայկոն, եթե այս ամենի վերաբերյալ ասելիք ունի, ապա ճիշտ կանի կամ հիմա կամ գոնե հրաժարականից հետո այս մասին կոնկրետ հայտարարություններ անի, հակառակ դեպքում, նա պատմության մեջ կմնա որպես ամենաանհաջող քաղաքապետ:
Աննա Բաղդասարյան
Top-News.am
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ