Շատ նվիրատուներ ասում են`ուղղակի ուզում ենք բարեգործություն անել, հո «ռեկլամ» չենք անելու մեզ. Հայկ Մարության
Խոսակցություններ են պտտվում, որ շինթույլտվության համար Դուք և փոխքաղաքապետ Հայկ Սարգսյանը պահանջում եք, թուղթ եք ստորագրել տալիս, կամ բանավոր խոստում եք վերցնում, որ բնակելի շենքի շինթույլտվության համար կառուցապատողը բնակարանների 5%-ի չափով պետք է նվիրատվություն անի Երևանին: Այս մասին այսօր Երևանի ավագանու նիստում ասաց ավագանու «Լույս» խմբակցության անդամ Թեհմինա Վարդանյանը՝ դիմելով Երևանի քաղաքապետ Հայկ Մարությանին, ապա քաղաքապետից հարցրեց` խոսակցությունները համապատասխանու՞մ են իրականությանը:
«Մարդիկ նվերներ են տալիս քաղաքին`որպես կորպորատիվ սոցիալական պատասխանատվություն: Սա շատ նորմալ միջազգային պրակտիկա է և ընդհանրապես ոչ մի կապ չունի ոչ մի բանի հետ: Այսինքն` շինթույլտվություններն իրենց հերթով, հունով գնում են: Ինչ-որ մարդկանց գործունեությունն արտասահմանում իր հունով գնում է, ինչ-որ մարդկանց գործունեությունն այստեղ իր հունով գնում է»,-արձագանքեց քաղաքապետը:
Անդրադառնալով ավագանու անդամի դիտարկմանը, թե Մարությանը նշել է, որ Երևանին աղբատար ավտոմեքենաների նվիրողների, այլ նվիրատուների անունները չի հիշում, քաղաքապետն ասաց, որ շատ նվիրատուներ իրեն ասել են, որ ուղղակի ուզում են բարեգործություն անել, և իրենց անունը պետք չէ տալ:
«Ես անձամբ ասել եմ, որ պետք է բոլոր մարդկանց անունները տալ, որովհետև առաջին` ես կարծում եմ, որ եթե մարդ մի բան անում է քաղաքի համար, իր անունը պետք է հնչեղ լինի, և պետք է մարդիկ իմանան, որ նա լավ բան է արել քաղաքի համար, երկրորդն էլ`մի քիչ շահադիտական առումով` ինձ ձեռք է տալիս, որ այլ գործարարներ, այս օրինակը վերցնելով, վարակվեն դրանից և տանեն այս գործն առաջ: Եվ շատ հաճախ մարդիկ ասում են` ուղղակի անում ենք, հո «ռեկլամ» չենք անելու մեզ, ասում եմ` ոչ, կներեք, բայց մենք ձեզ ուզում ենք գովազդել, որովհետև դա իրոք գովազդելու առիթ է»,-ասաց Հայկ Մարությանը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ