Լուկաշենկոն Կալինինգրադը «մեր մարզ» է անվանել

Բելառուսի նախագահ Ալեքսանդր Լուկաշենկոն պատմել է, որ դեռ խորհրդային ժամանակներից Բելառուսը պատասխանատվություն է կրել Կալինինգրադի մարզի համար և մինչև հիմա էլ այդ վերաբերմունքը Ռուսաստանի այդ մարզի նկատմամբ պահպանվում է: Այս մասին տեղեկացնում է РИА Новости-ն:

«Ինչո՞ւ եմ ես ասում «մեր կալինինգրադցիները»: Ես Ելցինին եմ ասել, հիմա էլ ներկայիս նախագահ Վլադիմիր Պուտինին եմ հաճախ ասում, որ դա մեր շրջանն է, մենք պատասխանատու ենք եղել նրա համար և հիմա էլ պատասխանատու ենք: Պուտինն ասում է. «Ես դեմ չեմ»,- հայտարարել է Լուկաշենկոն այսօր Մինսկում Կալինինգրադի մարզի ղեկավար Անտոն Ալիխանովի հետ հանդիպման ժամանակ:

Նա նշել է նաև, որ «դեռ խորհրդային ժամանակներում, երբ կար մեկ պետություն, շատ էին Կալինինգրադի մարզը Բելառուսին միացնելու շուրջ խոսակցությունները»:

«Միգուցե լավ է, որ չմիացրին, որովհետև Ղրիմն էլ միացրին Ուկրաինային, հետո պարզվեց, որ սխալ էին արել»,- նշել է Բելառուսի նախագահը:

Լուկաշենկոն նշել է նաև, որ բացի Կալինինգրադից՝ ինքն ու այլ բելառուսներ հաճախ են օգտագործում «մեր Ռուսաստանը» արտահայտությունը, որը շատերին դուր չի գալիս, սակայն ինքը չի ուզում մանրանալ այդ հարցով:

Այս թեմայով Լուկաշենկոն խոսել է նախագահի պաշտոնից հեռանալու մասին Լուկաշենկոն դիմել է Փաշինյանին. Նիկոլ Վովաևիչ, եթե պետք լինի, դիմեք Լուկաշենկոն մեկնաբանել է ԵԱՏՄ գագաթնաժողովին Փաշինյանի բացակայությունը Լուկաշենկո. Բելառուսն ու Ռուսաստանը պատրաստ են առաջիկա համատեղ զորավարժություններին Լուկաշենկո. Եթե Բայդենը վերընտրվեր, աշխարհը կգնար դեպի Երրորդ համաշխարհային պատերազմ