Ջո Բայդենը կոչ է արել ապաքրեականացնել մարիխուանան ԱՄՆ-ում

Դեմոկրատական կուսակցությունից ԱՄՆ նախագահի թեկնածու Ջո Բայդենը կողմ է արտահայտվել մարիխուանայի ապաքրեականացմանը, գրում է The New York Times-ը:

«Կարծում եմ` պետք է ապաքրեականացնել մարիխուանան»,- հայտնել է Բայդենը հեռուստաբանավեճի ընթացքում և հավելել, որ այդ գործով բոլոր բանտարկյալները պետք է ազատ արձակվեն:

Սակայն Բայդենը կոչ է արել ուսումնասիրել երկար գործածության դեպքում մարիխուանայի ազդեցությունը մարդու վրա:

Ատլանտայում ընթանում է Դեմոկրատական կուսակցությունից նախագահի թեկնածուների նախընտրական հեռուստաբանավեճի հինգերորդ փուլը:

Սոցիոլոգների տվյալներով՝ դեմոկրատների կազմում առաջատարի դիրքը պահպանում է Ջո Բայդենը: Նրան հաջորդում է սենատոր Էլիզաբեթ Ուորենը։ Առաջատարների եռյակը եզրափակում է Բեռնի Սանդերսը:

Միևնույն հեռուստաբանավեճի ընթացքում Բայդենը նաև հայտարարել էր, որ նախագահական ընտրություններում հաղթանակի դեպքում Գլխավոր դատախազին հրահանգ չի տա հետաքննություն սկսել պետության ներկայիս ղեկավար Դոնալդ Թրամփի դեմ:

«Ինչ էլ որոշի իմ նշանակած գլխավոր դատախազը, ես կաջակցեմ նրա որոշմանը: Թող իրենք կայացնեն իրենց անկախ վճիռը: Եթե դատախազը գտնի, որ նա (Դոնալդ Թրամփը) օրենք է խախտել և պետք է դատապարտվի, ապա թող այդպես էլ լինի, բայց ես նման ցուցում չեմ տա»,- հեռուստաբանավեճի ընթացքում ասել էր Բայդենը:

Այս թեմայով Տոկիո-2020. Հովհաննես Բաչկովի մենամարտի տեսանյութը Տոկիո-2020. Մարմնամարզիկ Արթուր Դավթյանն Օլիմպիական խաղերի բրոնզե մեդալակիր է Հովհաննես Բաչկովը հաղթեց ադրբեջանցի մրցակցին և դուրս եկավ 1/4 եզրափակիչ Արթուր Դալալոյանը դարձավ օլիմպիական չեմպիոն Տոկիո-2020. Գերմանացի ֆուտբոլիստն ամուսնության առաջարկ է արել ուղիղ եթերում