«Հայրենիք» կինոթատրոնի հարակից էստակադայի արդյունավետությունը մասնագետները կասկածի տակ են դրել
«Հայրենիք» կինոթատրոնի հարակից հրապարակի տրանսպորտային հանգույցի նախագծի քննարկումների ընթացքում որոշ ճարտարապետներ և ճանապարհային երթևեկության մասնագետներ կասկածի տակ են դրել դրա արդյունավետությունը: Հիմա քննարկվում են Արշակունյաց պողոտայի երթևեկությունը բեռնաթափելու այլ նախագծեր:
Այս մասին Tert.am-ի հետ զրույցում ասաց Երևանի քաղաքապետի մամուլի քարտուղար Հակոբ Կարապետյանը՝ անդրադառնալով Երևանի ավագանու «Լույս» խմբակցության անդամ Թեհմինա Վարդանյանի գրառմանը, որ տրանսպորտային հանգույցի նախագիծը ներառված չէ Երևանի զարգացման հնգամյա ծրագրում:
«Տիկին Վարդանյանի մեջբերած՝ քաղաքապետի գրառումը հենց նրա մասին էր, որ քննարկվում է այս էստակադի կառուցման հարցը, որի խնդիրը երթևեկությունը բեռնաթափելն էր: Այն ազատ միջոցը, որը նախատեսվում էր հատկացնել էստակադի կառուցման համար, Ասիական զարգացման բանկի հետ արվող ծրագրերից խնայված միջոցներ են: Այժմ քննարկվում են այլընտրանքային ճանապարհային ենթակառուցվածքների շինարարության այլ տարբերակներ»,- հայտնեց Հակոբ Կարապետյանը:
Նրա տեղեկացմամբ՝ Արշակունյաց պողոտայի երթևեկությունը բեռնաթափելու այլընտրանք քաղաքապետարանում այժմ քննարկվում է Մոնթե Մելքոնյան փողոցն Արշակունյաց պողոտային կապող ճանապարհի տարբերակը:
Հակոբ Կարապետյանը նաև նշեց, որ զարգացման ծրագրերի վերանայման հարցն ընթացքի մեջ է: Ծրագրերի վերջնական ցանկը կհաստատվի տարեվերջին:
Հիշեցնենք, որ փետրվարին Երևանի քաղաքապետ Հայկ Մարությանն իր ֆեյսբուքյան էջում լուսանկարներ էր տեղադրել՝ գրելով. «Գլխավոր ճարտարապետ Արթուր Մեսչյանի հետ քննարկում ենք «Հայրենիք» կինոթատրոնի հարակից հրապարակի տրանսպորտային հանգույցի նախագիծը: Այն զգալիորեն կթեթևացնի երթևեկությունը Արշակունյաց պողոտայի և Գարեգին Նժդեհի փողոցի հատման հատվածում՝ ապահովելով անընդհատ երթևեկություն»:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ