Բացառված չէ, որ Փաշինյանը ձեռնամուխ լինի նոր քաղաքական «բեմադրությունների» կազմակերպմանը. վարկանիշը փրկել է պետք
«Փաստ» թերթը գրում է.
«Չպետք է տարօրինակ համարել, որ այս օրերին իշխանության վարկանիշը կտրուկ անկում է գրանցում, քանի որ Փաշինյանը չի արդարացրել ժողովրդի սպասումները։
Շարժման օրերին վերջինս ինչ խոստում ասես, որ չէր տալիս՝ պայծառ ապագա խոստանալով ժողովրդին, թե երկրում իրավիճակն այնքան է լավանալու, որ երկրից արտագաղթած հայության ներգաղթը դառնալու է անխուսափելի։
Սակայն իր պաշտոնավարման արդյունքում երկրի սոցիալ-տնտեսական վիճակում դրական փոփոխություններ չկան, մարդիկ դրանք առանձնապես չեն զգում իրենց մաշկի վրա, և այդ է պատճառը, որ մամուլում արդեն տեղեկություններ են շրջանառվում, որ նոր սոցհարցումների արդյունքում պարզվել է, որ վարչապետի վարկանիշը տարբեր հաշվարկներով տատանվում է 20-30 %-ի սահմաններում: Տևական ժամանակ է, ինչ իշխանության կողմից ճիգեր են գործադրվում վարկանիշը տարբեր միջոցներով պահելու համար։
Հարուցվում են բազմաթիվ քրեական գործեր, մեծ աղմուկ է բարձրացվում, ձերբակալվում են մարդիկ, իշխանավորները հայտարարում են, թե կոռուպցիայի դեմ անողոք պայքար են սկսել, մեծ գումարներ են վերադարձնում պետական բյուջե, բայց որոշ ժամանակ անց պարզվում է, որ քրեական գործերի մեծ մասը անհիմն էր, ձերբակալված մարդիկ ազատ են արձակվում, որոշ ժամանակ հետո նույն մարդկանց նորից մեղադրանք է առաջադրվում՝ այս անգամ արդեն մեկ այլ քրեական գործով և այսպես շարունակ։
Սակայն հնարավոր չէ անընդհատ հանրության աջակցությունը պահպանել արդեն հնդկական սերիալ դարձած ձերբակալությունների ու կալանավորումների միջոցով, քանի որ դրանից հանրությունը գրեթե ոչինչ չի ստանում, բացի արհեստական աղմուկից։
Դրա համար էլ վարչապետ Փաշինյանը գործի է դնում իր լայվերը և սելֆիները։ Վարչապետը ամեն մի սովորական և որևէ կողմից աչքի չընկնող իրադարձություն ցանկանում է ժողովրդին ներկայացնել որպես մի մեծ ձեռքբերում, այնինչ այդ հարցերի կարևորությունը այնքան ցածր է եղել, որ նախկինում ոչ էլ խոսել են դրանց մասին։
Փաշինյանն իրեն դիրքավորում է որպես ժողովրդի սիրելի, ով շարունակում է մնալ ժողովրդի սրտի ղեկավարը, սակայն այնպիսի խնդիրների վերաբերյալ, ինչպես կառավարության կողմից արվող ճոխ ծախսերն են, պարզաբանումներ չի տալիս, թե ինչով է դրանց անհրաժեշտությունը պայմանավորված մի երկրում, որը հազար ու մի սոցիալական խնդիր ունի։
Եթե սրան էլ գումարում ենք իշխանության աջակցության պայմաններում ազգային ինքնության դեմ սկսված արշավը տարբեր նախաձեռնությունների տեսքով և Արցախյան պատերազմի հերոսների անվանարկումը, ապա պարզ կդառնա, թե ինչու է ժողովրդի վերաբերմունքը փոխվել Փաշինյանի և նրա կառավարության նկատմամբ։
Դժգոհությունների կուտակման մասին են վկայում նաև վերջին շրջանում ինտենսիվ բողոքի ակցիաները, սակայն այս պրոցեսը դեռևս անհրաժեշտ հիմք չէ Փաշինյանի համար իր կողմից տարվող քաղաքականության ուղեգիծը վերանայելու համար։
Այդուհանդերձ, վերջինս հասկանում է, որ չի կարող այսպես երկար պաշտոնավարել, քանի որ հեռու չէ այն օրը, երբ իր վարկանիշը կարող է գետնին հավասարվել։
Դրա համար էլ արշավ է սկսել այն գործիչների դեմ, որոնք հանրության շրջանում շարունակում են բարձր վարկանիշ վայելել։
Եվ բացառված չէ նաև, որ Փաշինյանը ձեռնամուխ լինի նոր քաղաքական բեմադրության կազմակերպմանը՝ նոր «կոռուպցիոն» գործերի բացահայտման, աղմկահարույց ձերբակալությունների և այլնի տեսքով, որտեղ իր կերպարը նորից «կհերոսանա»»,-գրում է թերթը:
Նյութն ամբողջությամբ կարդացեք թերթի այսօրվա համարում:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ