Երբ Փելոսին ասաց, որ բանաձեւը քվեարության է դնելու, մենք չէինք կարող զսպել արցունքները. Փալոնը՝ հայ պատգամավորներին
«Թավշյա հեղափոխությունից» հետո հայ-ամերիկյան հարաբերությունները ռազմավարական մակարդակի են բարձրացել, որն էլ արտացոլվում է ոչ միայն երկու երկրների գործադիր, այլեւ՝ օրենսդիր իշխանությունների ավելի սերտ համագործակցությամբ, «Ամերիկայի Ձայն»-ին պատմել է Վաշինգտոնում գտնվող Հայաստանի խորհրդարանական պատվիրակության ղեկավար Լիլիթ Մակունցը: Կոնգրեսական Ֆրանք Փալոնի հետ հանդիպումից առաջ խորհրդարանական մեծամասնության ղեկավարը նշում է, որ հայ խորհրդարանականները նախատեսում են մի շարք ուղղություններով ակտիվացնել հարաբերություններն ամերիկյան կողմի հետ.
«Մենք, որպես խորհրդարանականներ, կարեւորում ենք, որ այդ հարաբերություններին, այդ ռազմավարական երկխոսությանը հաղորդվի որոշակի բովանդակություն խորհրդարանի տեսանկյունից»:
Հայաստանի խորհրդարանական պատվիրակության կազմում են նաեւ «Բարգավաճ Հայաստան»-ը ներկայացնող խորհրդարանի փոխնախագահ Վահե Էնֆիաջյանը, «Իմ քայլը» դաշինքից Տաթեւիկ Հայրապետյանն ու «Լուսավոր Հայաստան» խմբակցության ղեկավար Էդմոն Մարուքյանը:
Պատվիրակության առաջին պաշտոնական հանդիպումը Կոնգրեսում էր՝ հայ-ամերիկյան բարեկամության խմբի համանախագահ Ֆրանք Փալոնի հետ, որի ընթացքում խորհրդարանականները հատուկ շնորհակալություն հայտնեցին կոնգրեսականին Հայոց ցեղասպանությունը ճանաչող թիվ 296 բանաձեւի ընդունման ուղղությամբ իրականացված աշխատանքների համար: «Հայաստանում մեծ ջերմությամբ են անձագանքել կոնգրեսականների այդ կարեւոր որոշմանը», - հանդիպման ընթացքում նշեց Լիլիթ Մակունցը:
«Երբ Ներկայացուցիչների պալատի խոսնակ Նենսի Փելոսին մեզ ասաց, որ այդ բանաձեւը քվեարության է դնելու, մենք չէինք կարող զսպել արցունքները», - արձագանքեց կոնգրեսականը:
Ֆրանք Փալոնի խոսքով, Հայաստանում «Թավշյա հեղափոխությանը» հաջորդած ազատ եւ թափանցիկ խորհրդարանական ընտրությունները եւ ժողովրդավարական բարեփոխումները զգալիորեն բարձրացրել են երկրի վարկանիշը ԱՄՆ-ում՝ երկկողմ համագործակցության նոր հեռանկարներ բացելով.
«Այս այցի ընթացքում Հայաստանի մեր գործընկերների հետ մենք նախատեսում ենք քննարկել երկկողմ հարաբերությունների ամրապնդման հեռանկարներն ամենատարբեր ոլորտներում: Խոսքը գնում է կիբերանվտանգության, հաղորդակցության ոլորտների մասին, սակայն նաեւ՝ առեւտրատնտեսական հարաբերությունների ակտիվացման, Հայաստանի խորհրդարանի դերի բարձրացման վերաբերյալ»:
Վաշինգտոնում երեք օրերի ընթացքում հայ խորհրդարանականները հանդիպումներ կանցկացնեն Միացյալ Նահանգների Կոնգրեսի վերին եւ ստորին պալատների ներկայացուցիչների հետ, ինչպես նաեւ քննարկումների կմասնակցեն ԱՄՆ-ի պետական կառույցներում եւ հասարակական կազմակերպություններում:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ