Գարեգին Բ–ն ընդունել է ՀՀ-ում ԵՄ դեսպանին. քննարկվել են նաև ՀՀ-ում առկա խնդիրների հաղթահարման ուղիները
Նոյեմբերի 5-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Հայաստանի Հանրապետությունում Եվրոպական Միության պատվիրակության ղեկավար, ԵՄ դեսպան Անդրեա Վիկտորինին, տեղեկացնում է Մայր Աթոռ Սուրբ Էջմիածնի տեղեկատվական համակարգը:
Վեհափառ Հայրապետը, շնորհավորելով ԵՄ դեսպանին նշանակման առիթով, մաղթել է նրան հաջողություներ իր առաքելության մեջ:
Հայաստանի և ԵՄ-ի միջև ձևավորված սերտ գործակցությունը կարևորելով՝ Նորին Սրբությունը հույս է հայտնել, որ այն կարդյունավորվի նոր ձեռքբերումներով և կնպաստի Հայաստանի առաջընթացին:
Ամենայն Հայոց Կաթողիկոսն ընդգծել է, որ Հայ Առաքելական Եկեղեցու և ԵՄ-ի միջև ձևավորված հարաբերությունները կարող են արձանագրել դրական արդյունքներ, քանի որ դրանք խարսխված են մարդասիրական և քրիստոնեական սկզբունքների վրա:
Հայոց Հովվապետը ողջունել է նաև Եվրոպական Միության կողմից Հայասատանում իրականացվող կրթական տարբեր ծրագրերի և նախաձեռնությունների իրագործումը: Այս առիթով Նորին Սրբությունը հաստատել է, որ Հայ Եկեղեցու համար կարևոր նշանակություն ունի կրթական ոլորտի զարգացումը, և ինչպես անցյալում, այնպես էլ հիմա շարունակելու է իր ներդրումը տվյալ ոլորտի զարգացման գործում՝ հիմնված լինելով քրիստոնեական արժեհամակարգի վրա:
Շնորհակալություն հայտնելով ջերմ ընդունելության համար՝ Անդրեա Վիկտորինը նշել է, որ ուրախ է կրկին լինել Մայր Աթոռ Սուրբ Էջմիածնում և հավաստիացրեց Գարեգին Երկրորդ Ամենայն Հայոց Կաթողիկոսին, որ ԵՄ-ը պատրաստակամ է աջակցել ՀՀ-ում ընթացող բարեփոխումներին և շարունակել իր օժանդակությունը բերել երկրում ժողովրդավարական գործընթացների ամրապնդմանը:
Հանդիման ընթացքում դեսպանը մասնավորաբար անդրադարձ է կատարել համընդհանուր արժեքների պահպանության, տարածման և մարդու իրավունքների պաշտպանության գործում ԵՄ պատվիրակության գործադրած ջանքերին՝ այդ հարցերում ակնկալելով նաև Հայաստանյայց Առաքելական Սուրբ Եկեղեցու օժանդակությունը:
Զրույցի ընթացքում կողմերն անդրադարձել են նաև Լեռնային Ղարաբաղի հակամարտության խաղաղ կարգավորման կարևորությանը, քննարկել Հայաստանում առկա խնդիրների հաղթահարման ուղիները:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո