Իշխանությունը պետական համակարգից պետք է մաքրի իր թիմակիցներին, որոնք այլասերում են հովանավորում
«Դիրքապահ» Քառօրյա պատերազմի մասնակիցների միավորման ղեկավար Մանուել Մանուկյանը այսօր մամուլի ասուլիսին անդրադարձավ «Բաց հասարակությունների հիմնադրամ-Հայաստան»-ի գործունեությանը, և մտահոգություն հայտնեց, որ շատերը այլասերում են քարոզում Հայաստանում: Նրա խոսքով՝ այսօր պետական համակարգում կան իշխանության ներկայացուցիչներ, որոնք այլասերում են հովանավորում, և եթե իշխանությունները ցանկանում են հզոր երկիր ունենալ, ապա իրենց այդ թիմակիցներին պետք է հանեն պետական համակարգից։
«Որևէ կեղտոտ, փողին տրված անձնավորություն չի կարողանալու ՀՀ-ում ազգային արժեքները ոտնահարել, չի կարող, մտնելով իշխանական համակարգ, հովանավոր դառնալ այլասերումը տարածողների համար և այդպիսի մարդիկ չեն կարող լինել պետական կառավարման համակարգում: Ես՝ որպես ՀՀ քաղաքացի, պահանջում եմ վայրկյան իսկ առաջ այս մարդիկ մաքրվեն իշխանական համակարգերից, նրանց թվում կան պատգամավորներ, նախարարներ, նրանք անելիք չունեն նոր Հայաստանում»,-ասաց նա:
Մանուել Մանուկյանը նշեց, որ եթե այս իշխանությունը միտված է հզոր երկիր ունենալուն, ապա պետք է մաքրի համակարգից այդ թիմակիցներին, որոնք այլասերում են հովանավորում: Նա միայն նշեց Աշխատանքի և սոցիալական հարցերի նախարար Զարուհի Բաթոյանի անունը, ով, ըստ նրա, հովանավորում է այդպիսի մարդկանց։ Պատգամավորներից Մանուել Մանուկյանն անուններ չհիշեց:
«Կան մարդիկ, որ մենք նույնիսկ տեղյակ չենք, որ եկել են ուրիշ երկրների շահերը սպասարկելու: Մենք պետք է այս ամենը ի սկզբանե կանխենք, քանի որ դրանով քայքայում ենք մեր պետության կարևոր արմատները և հիմքերը»,-ասաց նա:
Մանուել Մանուկյանը նշեց, որ Հայաստանը որևէ մեկը չի կարողանալու պղծել մեր ազգային արժեքները: «Եթե գործընթացները այսպես գնացին, հաստատ հասունացնելու է մի մեծ բողոքի ալիք»,- ասաց նա և նշեց, որ հնարավոր է՝ բողոքի ցույցեր լինեն այս հարցով:
«Երբ ես հեղափոխության համար դրսում եմ եղել, ինձ չեն ներկայացրել, որ այլասերվածները պետք է գան պաշտոններ զբաղեցնեն, ինձ որևէ մեկը նման բան չի ասել, թող այն ժամանակ ասեին և ժողովուրդը կիմանար՝ կանգնո՞ւմ են հեղափոխության համար, թե ոչ: Որևէ մեկը չի ասել, որ առաջինը իր աշխատավարձն է բարձրանալու, երբ գան կառավարման համակարգ: Մենք տեղեկացնում ենք, որ մենք դրա համար որևէ պայքար չենք արել, բայց մենք ամեն ձևով ուզում ենք, որ այս իշխանությունը հաջողի, որ մեր երկիրը լավը լինի: Մենք գնում ենք ազատամարտիկի տուն, որն 1991 թվականից առաջին կարգի հաշմանդամ է, սակայն ոչինչ չունի»,-ասաց նա:
Անդրադառնալով Ապրիլյան պատերազմի մասնակիցների սոցիալական վիճակին, նա նշեց, որ որևէ փոփոխություն նրանց սոցիալական վիճակում չի տեսնում: Նա նշեց, որ Ապրիլյան պատերազմի մասնակիցներից որոշները խնդիրներ ունեն, դեռևս զինգրքույկների հարցը չեն կարգավորել, զոհված տղաների ծնողներից ևս բողոքներ կան կապված սոցիալական խնդիրների հետ:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո