ԵԱՏՄ-ն պատրաստ է Ասիայի երկրների հետ ազատ առեւտրի գոտու ստեղծմանը. Մեդվեդեւ
Բրունեյը, Ինդոնեզիան, Կամբոջան, Թաիլանդն ու Ֆիլիպինները հետաքրքրություն են ցուցաբերում ԵԱՏՄ-ի հետ ազատ առեւտրի գոտու ստեղծման նկատմամբ: Այս մասին Արեւելաասիական XIV գագաթաժողովի ժամանակ հայտարարել է ՌԴ վարչապետ Դմիտրի Մեդվեդեւը, հաղորդում է ՏԱՍՍ-ը:
«Միասնական շուկայի ստեղծման փորձ է ձեւավորվել Եվրասիական տնտեսական միությունում, կցանկանայի նշել, որ կազմակերպությունը բաց է շահագրգիռ երկրների հետ համագործակցության համար»,- ասել է նա:
Մեդվեդեւը հիշեցրել է, որ նմանատիպ համաձայնագրեր են կնքվել Վիետնամի, Սինգապուրի եւ Չինաստանի հետ, բանակցություններ են ընթանում Հնդկաստանի հետ:
ՌԴ վարչապետը վստահություն է հայտնել, որ անհրաժեշտ է միավորել Հարավարեւելյան Ասիայի պետությունների ասոցիացիայի, ԵԱՏՄ-ի եւ Շանհայի համագործակցության կազմակերպության պոտենցիալը՞
Միասնական բաց շուկա
Մեդվեդեւը ափսոսանք է հայտնել, որ պատժամիջոցները քաղաքական ճնշման գործիք են դարձել:
«Ցավոք, այսօր աշխարհում տնտեսական պատժամիջոցներ են կիրառվում, որոնք գործիք են դարձել քաղաքական ճնշման եւ անբարեխիղճ մրցակցության համար: Այդ ամենը մեզ մղում է անորոշության մեջ: Ռուսաստանը տեսնում է, թե ինչպես են մի շարք պետություններում աճում հովանավորչական տրամադրությունները: Դրանք մասշտաբային առեւտրային պատերազմների են հանգեցնում»,- նշել է նա:
Ընդ որում, Մեդվեդեւի խոսքով, Ասիայում, հակառակը, լայն տարածում են գտնում նոր ձեւաչափերը, կառուցողական եւ ոչ կոնֆլիկտային համագործակցությունը: «Դա ապացուցում են տարածաշրջանում ձեւավորված միջպետական հարաբերություններն ու միասնական բաց եւ ոչ խտրական շուկա ստեղծելու Ասիայի երկրների տրամադրվածությունը»,- նշել է Մեդվեդեւը՝ հավելելով, որ ռուսական կողմը դա ողջունում է:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո