Ավստրիայում ուժի մեջ է մտել բարերում եւ ռեստորաններում ծխելու լիակատար արգելքը
Ավստրիայում Բոլոր սրբերի օրը ուժի մեջ է մտել բարերում եւ ռեստորաններում ծխելու լիակատար արգելքը, հաղորդում է «ՌԻԱ Նովոստի»-ն:
Հանրապետության խորհրդարանը հավանություն է տվել համապատասխան արգելքին այս տարվա հուլիսին: Դեմ է հանդես եկել միայն Ավստրիայի ազատության կուսակցությունը, որն ավելի վաղ, լինելով երկրի կառավարությունում, կարողացել Էր խոչընդոտել գոստրոնոմիական հաստատություններում ծխելն արգելելու փորձին:
Ավստրիայի աշխատանքի, սոցիալական գործերի եւ սպառողների իրավունքների պաշտպանության նախարարության հաղորդմամբ՝ արգելքը տարածվում է բոլոր այն հաստատությունների վրա, որտեղ պատրաստում, մշակում, բաժանում եւ ընդունում են ճաշատեսակներ ու ընպելիքներ, այդ թվում այն հաստատություններում, որտեղ հյուրերը կարող են կանգնած օգտվել:
Արգելքը տարածվում է նաեւ էլեկտրոնային ծխախոտի, ինչպես նաեւ ծխելու բուսամթերքների (օրինակ՝ նարգիլե) վրա՝ անկախ դրանց մեջ նիկոտինի կամ ծխախոտի պարունակությունից:
Նախկինի պես ծխել թույլատրվում է բաց հարթակներում, օրինակ՝ փոքրիկ բակերում եւ հաստատությունների բաց պատշգամբներում:
Մինչ օրս ավելի քան 50 քառ. մ մակերես ունեցող ավստրիական բարերում եւ ռեստորաններում թույլատրվում էր ծխել հատուկ գոտիներում, չնայած նրան, որ այդ կանոնը ոչ միշտ էր պահպանվում: Իսկ 50 քառ. մետրից պակաս տարածքով բարերում եւ ռեստորաններում հատուկ գոտի չէր պահանջվում, եթե բարի կամ ռեստորանի տերը դեմ չէր իր տարածքում ծխելուն: Ավստրիայի շատ ռեստորաններ եւ սրճարաններ ավելի վաղ եւս սկսել են իրենց մոտ արգելել ծխելը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո