Մանկատան սան ասել, նշանակում է մարդու նկատմամբ կարդալ դատավճիռ. Նիկոլ Փաշինյան
Սրանք բարեփոխումներ են ուղղված ընդդեմ հուսահատության: Այս մասին, այսօր՝ հոկտեմբերի 31-ին, կառավարության նիստում նշեց ՀՀ վարչապետ Նիկոլ Փաշինյանը՝ անդրադառնալով կառավարության որոշմանը, որով լուծարվում են 4 գիշերօթիկներ եւ մեկ մանկատուն:
Նշենք, որ այդ որոշմամբ գիշերօթիկների համար նախատեսված գումարները կուղղվեն այդ նույն սաների օժանդակությանը իրենց ընտանիքների ներսում:
«Հայաստանում գիշերօթիկի սան, մանկատան սանն ասել, նշանակում է մարդու նկատմամբ կարդալ դատավճիռ, որ ինքը ողջ կյանքի ընթացքում լինելու է հանրային կյանքի եւ ընդհանրապես հաջողության լուսանցքից դուրս: Այս իրավիճակի հետ չենք պատրաստվում համակերպվել»,-ասաց Փաշինյանը՝ հարց բարձրացնելով, թե կարելի է տեսնել, թե գիշերօթիկի կամ մանկատան քանի՞ սան է ընդունվել բուհ, քանիսն են քիչ թե շատ կարիերա արել, իրենց մասնագիտությունը ձեռք բերել, բարեկեցություն ապահովել:
«Մենք խայտառակ պատկերի առաջ կկանգնենք: Փոխարենը եթե նայենք, թե գիշերօթիկի աշխատողների, տնօրենների ընտանիքների բարեկեցությունն ինչպես է դասավորվել, այդտեղ էլ շատ հետաքրքիր հետեւություններ անել: Դրա համար մենք այս բարեփոխումը տանելու ենք առաջ: Դրա նպատակը պետք է լինի մեկը՝ գիշերօթիկների, մանկատների երեխաների մրցունակությունը կյանքում մեծացնել, սեփական ուժերի նկատմամբ իրենց վստահությունը մեծացնել: Որպեսզի նրանք ոչ թե ամբողջ կյանքում մտածեն, որ վայ, ես մանկատան սան եմ, այդ դրոշմը իրենց վրա կրեն, այլ իրենք իրենց սեփական աշխատանքով իրենց բարեկեցությունն ապահովել»,-ընդգծեց վարչապետը:
Հաջորդ կարեւոր հարցը, ըստ նրա, այն է, որ պետությունը սրանով ամեն ինչ անում է, որ այդ երեխաներին վերադարձնի ընտանիք. «Երբ մարդիկ ընտանիքը որպես արժեք օգտագործում են որպես իրենց գործունեության պատնեշ, ընտանիքը այսպիսի գործողություններով են արժեւորվում»,-ասաց վարչապետը՝ հավելելով, որ այստեղ, իհարկե, կա լեգիտիմ մտահոգություն, թե արդյոք բոլոր ընտանիքներն են, որ ի վիճակի են այդ երեխաներին ընդունել:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո