Պատգամավորները հանդիմանել են Երեւանի քաղաքապետին
2020թ․ պետական բյուջեի նախագծի քննարկմանը Երեւանի քաղաքապետ Հայկ Մարությանի բացակայությունը որեւէ կերպ կապված չէ Ազգային ժողովի հանդեպ նրա վերաբերմունքի հետ եւ անպատասխանատու վերաբերմունքի վկայություն չէ։ Այս մասին խորհրդարանական մշտական հանձնաժողովների համատեղ նիստում 2020թ․ պետական բյուջեի նախագծի քննարկման ժամանակ հայտարարեց փոխքաղաքապետ Հայկ Սարգսյանը։
Ազգային ժողովի պատգամավորները դժգոհություն են հայտնել 2020թ․ բյուջեի քննարկմանը Մարությանի բացակայության կապակցությամբ։ Ի սկզբանե տեղեկացվել էր, որ քաղաքապետը բացակայում է այն պատճառով, որ արձակուրդում է, ինչի առիթով «Լուսավոր Հայաստան» խմբակցության պատգամավոր Արմեն Եղիազարյանը նշել է, թե հենց բյուջեի քննարկման ժամանակ քաղաքապետը պետք է մեկներ հանրապետությունից եւ արձակուրդ գնար։
«Խնդրում եմ մեկնաբանել խորհրդարանի հանդեպ այս անպատասխանատու վերաբերմունքը, եւ հիշեցնեմ, որ դեռեւս Տարոն Մարգարյանի պաշտոնավարման ժամանակ Հայաստանի վարչապետը նման վարքագիծը խիստ քննադատության էր ենթարկել, իսկ այժմ տեսնում ենք այն, ինչ նախկինում էր»,- ընդգծեց պատգամավորը։
Ի պատասխան՝ Սարգսյանը նշեց, որ քաղաքապետը տեղեկացված չէր լսումների անցկացման կոնկրետ օրվա մասին, քանի որ իրենք ուշ են ստացել այդ ծանուցումը, իսկ քաղաքապետի ճանապարհորդությունը նախապես էր ծրագրված:
«Այն նախատեսվել էր հոկտեմբերի սկզբին, բայց քանի որ Քաղաքի օրվան նվիրված միջոցառումների ժամանակացույցը մշտապես տեղափոխվում էր այլ միջազգային միջոցառումների պատճառով, ապա քաղաքապետի ուղեւորությունը տեղափոխվել էր ավելի ուշ ժամանակահատված»,- հայտարարեց փոխքաղաքապետը:
Եղիազարյանն, ի պատասխան, նշեց, որ բյուջեի քննարկման ժամկետները հաստատված են օրենքով եւ միանգամայն կոնկրետ են:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար