«Իսլամական պետության» ղեկավար Ալ Բաղդադիին հաջողվել էր գտնել նրա օգնականի շնորհիվ
«Իսլամական պետություն» ահաբեկչական խմբավորման ղեկավար Աբու Բաքր ալ Բաղդադիին հաջողվել է հայտնաբերել նրա գլխավոր օգնականներից մեկի շնորհիվ, հայտնում է Reuters գործակալությունը՝ վկայակոչելով Իրաքի անվտանգության ծառայության ներկայացուցիչներին:
Գործակալության աղբյուրների համաձայն՝ Իսմայիլ Ալ Իթավին ալ Բաղդադիի 5 գլխավոր օգնականներից մեկն էր: 2006 թվականին նա միացել էր «Ալ-Քաիդա» ահաբեկչական խմբավորմանը, իսկ 2008 թվականին ձերբակալվել ԱՄՆ ԶՈՒ-ի կողմից և բանտում անցկացրել չորս տարի: Դրանից հետո Ալ Բաղդադին Ալ Իթավիին առանցքային դեր էր վստահել, ներառյալ ԻՊ-ի հրամանատարների ընտրությունը:
Այս տարի համատեղ գործողության ընթացքում ամերիկյան, թուրքական և իրաքյան հետախուզական ծառայությունները գերեվարել էին ԻՊ-ի մի շարք կարևոր դեմքերի, ներառյալ չորս իրաքցիների և սիրիացիների, որոնք տեղեկություններ էին տրամադրել առ այն, թե որտեղ են հանդիպել Սիրիայում Ալ Բաղդադիի հետ, որից հետո հատուկ ծառայությունները կապվել են ԿՀՎ-ի հետ՝ այդ վայրում հետախուզության ավելի մեծ թվով աշխատակիցներ տեղակայելու նպատակով:
«2019 թվականի կեսերին մենք պարզել ենք, որ ալ Բաղդադին իր ընտանիքի և երեք ամենամոտ օգնականների հետ Իդլիբում գյուղից գյուղ է տեղափոխվում»,- հայտնել է գործակալության աղբյուրը:
Աղբյուրը գրում է, որ դրանից հետո Իդլիբի շուկայում նկատել են օգնական Ալ Իթավիին և նրան հետևելով՝ բացահայտել են ալ Բաղդադիի բնակության վայրը:
«Այդ տեղեկությունները հաղորդվել են ԿՀՎ-ին, և նրանք արբանյակներ ու անօդաչու թռչող սարքեր են օգտագործել վերջին հինգ ամիսներին նրանց հետևելու համար»,- հայտնել է աղբյուրը:
Երկու օր անց Բաղդադին իր ընտանիքի հետ մեկնել է հարևան գյուղ, և, ըստ աղբյուրի, դրանք «եղել են նրա կյանքի վերջին պահերը»:
Հիշեցնենք, որ շաբաթ ԱՄՆ-ի հատուկ գործողության ընթացքում սպանվել է ԻՊ-ի առաջնորդ Աբու Բաքր ալ Բաղդադին:
Ավելի ուշ ԻՊ առաջնորդի մահվան լուրը հաստատել էր նաև ԱՄՆ նախագահ Դոնալդ Թրամփը:
«Նա (ալ Բաղդադին) մահացել է փակուղային թունելի մեջ մտնելով՝ ամբողջ ճանապարհին վնգստալով, լացելով ու գոռալով։ Այդ ժամանակ ճամբարի տարածքը մաքրվեց, մարդիկ կա՛մ հանձնվեցին, կա՛մ գնդակահարվեցին։ 11 փոքր երեխաներ դուրս են բերվել տնից և չեն տուժել։ Թունելում մնացել է միայն Բաղդադին և իր հետ տարել է իր երեք փոքր երեխաներին: Թունելի վերջին հասնելով՝ նա սպանեց իրեն ու իր երեք երեխաներին: Նրա մարմինը պայթյունից խեղվել էր»,- ասել է նա:
Ավելի ուշ հրապարակվել էր նաև ԻՊ-ի պարագլուխ ալ-Բաղդադիի ուղղությամբ հասցված ամերիկյան հարվածի տեսանյութը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար