Մենք կբողոքարկենք Արսեն Բաբայանի տեսակցությունների վրա արգելանք դնելու որոշումը. փաստաբան
Մենք պատրաստվում ենք բողոքարկել քրեական վարույթն իրականացնող մարմնի` Արսեն Բաբայանի տեսակցությունների վրա արգելանք դնելու որոշումը, քանի որ այն որևէ իրավական հիմք չունի: Այս մասին Tert.am-ի հետ զրույցում ասաց ԱԺ աշխատակազմի ղեկավարի նախկին տեղակալ Արսեն Բաբայանի պաշտպան Լուսինե Սահակյանը:
«Եվ եթե նկատի ունենանք այն հանգամանքը, թե ինչ մեղադրանք է առաջադրված Արսեն Բաբայանին, բնականաբար, հասկանալի է, որ որևէ կերպ չէր կարող նրա տեսակցությունները արգելվել` ո ՛չ հարազատների հետ, ո ՛չ` այլ անձանց»,-ասաց Սահակյանը:
Փաստաբանի կարծիքով` Բաբայանի տեսակցությունների արգելանքը հերթական պատժի ձևն է: «Արսեն Բաբայանի ձերբակալումը, հետագայում` կալանավորումը ևս պատժի տարրեր էին իրենց մեջ պարունակում, և նկատի ունենալով այս արգելքը` պատգամավորների տեսակցության արգելքը, բնականաբար, նաև այս քրեական գործի նախապատմությունը և ամբողջ ընթացքը, պետք է կրկնեմ, որ սա քաղաքական գործ է, և այն բացահայտ ապօրինությունները, որոնք կատարվում են այս գործի շրջանակում, այլևս չեն զարմացնում»,-մեկնաբանեց Սահակյանը:
Վերջինիս խոսքով` արվում է ամեն ինչ, որ ճնշումներ լինեն Սահմանադրական դատարանի նախագահ Հրայր Թովմասյանի նկատմամբ:
«Այս ամենը կապված է ՍԴ նախագահ Հրայր Թովմասյանի հետ, ամեն ինչ արվում է, որ ճնշումները հնարավորինս շատ լինեն այս գործով Թովմասյանին առնչվող անձանց նկատմամբ. դրանց մեջ էլ Բաբայանի` ընտանիքի անդամների հետ տեսակցությունների սահմանափակումն է»,-ամփոփեց Լուսինե Սահակյանը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար