Հայաստանը բացահայտել տեղացիների խորհուրդներով. ռուսական «National Geographic Traveler»-ի անդրադարձը
Ռուսական «National Geographic Traveler»-ը Հայաստանի մասին փորձագետներից ու տեղացիներից հավաքագրել է բազմաթիվ խորհուրդներ ու տեղեկություններ, որոնք հնարավորություն են տալիս ճանաչելու երկրի չբացահայտված կողմերը:
Հոդվածը սկսվում է Երևանից: «Օրը Երևանում հաճելի է սկսել մեկ բաժակ սուրճով: Ամռանը ցանկալի է դուրս գալ փողոց վաառավոտյան, քանի դեռ օրը չի տաքացել, շատ մարդ էլ չկա: Հաճելի է տեսնել, թե ինչպես է քաղաքն արթնանում»,-ասված է հոդվածում: Հեղինակն առաջարկում է լինել Կասկադ համալիրում, Հանրապետության հրապարակում, Մարզահամերգային համալիրում: Նաև այցելել Էրեբունի արգելոց թանգարան, լավ երաժշտություն լսել «Մալխաս» ակումբում, բարձորակ գինի խմել Սարյան փողոցի գինետներում:
Հրապարակման մեջ Երևանից դուրս ներկայացվում են Հայաստանի մյուս քաղաքները Գյումրին, Վանաձորը, Դիլիջանը, Սևանն իրենց գեղատեսիլ վայրերով, պատմամշակութային հուշարձաններով, եկեղեցիներով, խաչքարերով:
Գյումրին ներկայացվում է մի վայր, որտեղ պահպանվել է պատմությունը: Քաղաքի մասին շատ տեղեկություններ ստանալու համար խորհուրդ է տրվում այցելել Գյումրու ժողովրդական ճարտարապետության և քաղաքային կենցաղի թանգարան: Առանձին անդրադարձ է կատարվում Մհեր Մկրտչյանի տուն-թանգարանին:
«Հայաստանը միշտ առանձնացել է իր հյուրասիրությամբ և աչքի ընկել համեղ խոհանոցով: Բազմազան ուտեստներն ու կոնյակը, գինին անտարբեր չեն թողել ոչ մեկին: Թերևս ոչ ոք Հայաստանից հիասթափված դեռ չի գնացել»,-ասված է հոդվածում: Տոլմա, խորոված, իշխան ձուկ, լավաշ, տեղական պանիր, սպաս և այլն, հայկական խոհանոցն առաջարկում է լայն ընտրության հնարավորություն: Հեղինակը նկատում է, որ վերջին տարիներին Երևանում բացվել են ռեստորաններ, որտեղ ներկայացվում է նաև սիրիական խոհանոցը:
Ինչ տանել Հայաստանից. հոդվածագիրը խորհուրդ է տալիս կերամիկա, գինի, փայտե նարդի, օբսիդիանե զարդատուփեր, գորգեր:
«Սրանք միայն հուշանվերների մի փոքր մասն են, որոնք կարելի է ձեռք բերել: Այստեղ կան նաև շատ տաղանդավոր նկարիչներ. Նրանց գործերը կարելի է գնել քաղաքի ոչ մեծ պատկերասրահներում, Երևանի Վերնիսաժում կամ Մարտիրոս Սարյանի անունը կրող պուրակում: Նկարները գրեթե ամեն օր ցուցադրվում են»,-ասված է հոդվածում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար