Իտալիայում 24-ժամյա համընդհանուր գործադուլ է ընթանում

24-ժամյա համընդհանուր գործադուլը, որն Իտալիայի մի քանի խոշոր արհմիություններ հայտարարել են ի նշան բողոքի իշխանությունների տնտեսական քաղաքականության դեմ, հոկտեմբերի 25-ին լուրջ խոչընդոտներ Է ստեղծել միլիոնավոր իտալացիների եւ Ապենիններում հանգստացող բազմաթիվ զբոսաշրջիկների համար, տեղեկացնում Է «Արմենպրես»-ը:

Համազգային գործադուլի արդյունքներն առաջինն իրենց վրա զգացել են ավիաուղեւորները, որոնք արդեն հինգշաբթի երեկոյան բախվել են մի շարք չվերթների չեղարկմանը իտալական օդանավակայաններում: Ու թեեւ ENAV ընկերության ավիադիսպետչերների ազգային գործադուլը կտեւի միայն չորս ժամ՝ ժամը 13:00-ից մինչեւ 17:00-ն (Երեւանի ժամանակով 15:00-ից մինչեւ 19:00-ն), հոկտեմբերի 25-ին Իտալիայում անխուսափելի են խնդիրները քաղաքացիական ավիափոխադրումների կազմակերպման ոլորտում: Բանն այն Է, որ 24-ժամյա գործադուլ են հայտարարել Alitalia խոշորագույն ազգային ավիաընկերության օդաչուներն ու բորտուղեկցորդները, ինչպես նաեւ Միլանի օդանավակայանների աշխատակիցները: Դրա հետեւանքով Alitalia-ն հարկադրված Էր չեղարկել 240 ավիաչվերթ:

Ոչ պակաս բարդ իրավիճակ Է այժմ ստեղծվել նաեւ երկաթուղային տրանսպորտում: Երկաթուղային հաղորդակցության մեջ առավել լուրջ խնդիրներ են ծագել երկրի հյուսիսում, որն ապահովում Է Trenold ընկերությունը: Խոսքը, մասնավորապես, վերաբերում Է Malpensa Express գնացքների երթեւեկության ընդհատումներին, որոնք Միլանը կապում են Մալպենսի միջազգային օդանավակայանի հետ:

Սակայն այս ժամերին ամենալարված իրավիճակը տիրում Է Հռոմում, որտեղ պատմության մեջ առաջին անգամ համազգային արհմիութենական համադաշնությունների կոչով հայտարարված Է կոմունալ տնտեսության գրեթե բոլոր ձեռնարկությունների եւ քաղաքային տրանսպորտի աշխատողների 24-ժամյա ընդհանուր գործադուլ: Այս ակցիային միացել Է մոտավորապես 30 հազար մարդ: Արդյունքում՝ փաստորեն լիովին կանգ Է առել մետրոյի, ավտոբուսների, տրամվայների ու քաղաքամերձ գնացքների երեթեւեկությունը, ինչպես նաեւ Ama ընկերության աշխատանքը, որն Իտալիայի մայրաքաղաքում զբաղվում Է աղբահահանությամբ:

Համազգային գործադուլին միացել են նաեւ Իտալիայի բժշկական ու կրթական հաստատությունների բազմաթիվ աշխատողներ: Հոկտեմբերի 25-ին տեղական հիվանդանոցներում բոլոր պացիենտներին երաշխավորված Է միայն անհետաձգելի օգնության տրամադրումը: Բացի այդ, գործադուլին միացել են իտալացի փաստաբանները եւ պոլիգրաֆիական արդյունաբերության բազմաթիվ ձեռնարկությունների աշխատողներ:

Տեղական ԶԼՄ-ները հոկտեմբերի 25-ը կնքել են «սեւ ուրբաթ»: Հռոմում եւ Միլանում իրադրությունն Էլ ավելի կբարդացնեն աշխատավորների ցույցերը, որոնք մտադիր են փողոցներ դուրս գալ եւ պաշտպանել իրենց տնտեսական իրավունքները:

«Այս գործադուլն օրինական Է, քանի որ բողոքի ակցիայի հայտարարման բոլոր ընթացակարգերը պահպանված են: Մենք ուշադիր հետեւում ենք իրադարձությունների զարգացմանը, որպեսզի թույլ չտանք չարաշահումներ»,-հայտարարել Է Իտալիայում գործադուլների անցկացման պետական երաշխավոր Ջուզեպե Սանտորո-Պասարելին, հաաղորդել Է ՌԻԱ Նովոստին: