Արա Բաբլոյանի հարցաքննությունն ավարտվել է
Արա Բաբլոյանի հարցաքննությունն ավարտվել է: Լրագրողների հետ զրույցում ԱԺ նախկին նախագահն ասել է, որ պատասխանել է բոլոր հարցերին:
«Ես իմ կարգավիճակը չգիտեմ էլ, դատապաշտպանիս հարցրեք: Բոլոր հարցերին հստակ պատասխանել եմ, ինչ արել եմ, արել եմ օրենքի և Սահմանադրության սահմաններում: Շատ բարի տրամադրված եմ: Ես չէի կարող հայտարարել մի բանի մասին, որը չեմ տեսել, հստակ իմ առջև դրված տեսել եմ այդ դիմումը»,- ասաց Արա Բաբլոյանը:
Արա Բաբլոյանի պաշտպան Արամ Վարդևանյանը լրագրողների հետ զրույցում մանրամասներ հայտնելուց զերծ մնաց՝ հիշեցնելով, որ, եթե նախաքննության փուլում որևէ բան մեկնաբանի, ապա ստիպված կլինի նախաքննական գաղտնիք բացահայտել:
«Այժմ գտնվում ենք նախաքննության փուլում, նախաքննական գաղտնիքի փուլում, թույլ տվեք շատ հարցերի չպատասխանել: Արա Բաբլոյանը կասկածյալի կարգավիճակում է, հարցաքննություն էր այսօր միայն, քննչական գործողություններ են իրականանում: Եկեք որոշակի ժամանակահատված սպասենք, հետո ես կմեկնաբանեմ, այստեղ նաև մասնագիտական հարցեր կան: Ցանկացած հարցի պատասխան այս պահին իմ կողմից կլինի նախաքննական գաղտնիքի որոշակի բացահայտում: Եղել է հարցաքննություն, եղել են քննիչը, պաշտպանը, հարցաքննվողը»,- ասաց Արամ Վարդևանյանը:
Հիշեցնենք՝ այսօր ժամը 18:00-ից ԱԺ նախկին նախագահ Արա Բաբլոյանը և ՍԴ նախկին նախագահ Գագիկ Հարությունյանը ՀՔԾ-ում հարցաքննվում էին:
Ավելի վաղ հայտնել էինք, որ Հատուկ քննչական ծառայությունում քննվող քրեական գործով որպես կասկածյալ է ներգրավվել ՀՀ ԱԺ նախկին նախագահ Արա Բաբլոյանը` իշխանությունը յուրացնելու կասկածանքով, իսկ Արսեն Բաբայանին մեղադրանք է առաջադրվել առ այն որ նա 2018 թվականին, հանդիսանալով ՀՀ Ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ սահմանադրական դատարանի լիազորություններին տիրանալուն, ինչպես նաև կատարել է պաշտոնեական կեղծիք: Նրան այսօր կալանավորել են:
Գործի շրջանակներում հարցաքննության է կանչվել նաև ՍԴ նախկին նախագահ Գագիկ Հարությունյանը, նա դեռ ՀՔԾ-ում է:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար