«Չէի կարողանում հավատալ». Սահմանադրագետը՝ Հրայր Թովմասյանի կողմից իշխանության զավթման քրգործի հարուցման մասին
Սահմանադրական դատարանի նախագահ Հրայր Թովմասյանի եւ մյուսների կողմից իշխանության զավթման առերեւույթ հանցագործության փաստի առթիվ քրեական գործ հարուցելու մասին Հատուկ քննչական ծառայության պաշտոնական հաղորդագրությունը քրեական իրավունքի հետ, սահմանադրական իրավունքի հետ աղերս չունի։ Այս մասին NEWS.am-ի հետ զրույցում կարծիք հայտնեց սահմանադրագետ Արամ Վարդեւանյանը։
«Ես անկեղծորեն զարմացել էի, ինձ մի պահ թվաց՝ սա ոչ պաշտոնական հաղորդագրություն է, չէի կարող պատկերացնել, որ կարող է լինել պաշտոնական հաղորդագրություն։ Իհարկե, զարմանալ իրավունքի ոլորտում իսկապես պետք չէ, բայց այս պարագայում ես իսկապես չէի կարողանում հավատալ։ Պարոն Բաբաջանյանի հաղորդման տեքստը ես ուսումնասիրել էի։ Բազմաթիվ են եղել դեպքերը, երբ պատգամավորը դարձել է կառավարության անդամ, պատգամավորի կողմից հատուկ դիմում Կենտրոնական ընտրական հանձնաժողով, Ազգային ժողովի նախագահի կողմից հայտարարում տեսե՞լ եք։ Իհարկե՝ ոչ, գիտեք ինչո՞ւ, որովհետեւ դա արհեստականորեն կձգձգեր պրոցեսը, եւ Սահմանադրությունն է դրա լուծումը տվել օրենքի ուժով լիազորությունները դադարեցնելու տրամաբանությամբ, քանի որ մեկը մյուսի հետ անհամատեղեկի պաշտոններ են։ Այսինքն՝ անձը միաժամանակ չի կարող լինել պատգամավոր եւ կառավարության անդամ, պատգամավոր եւ ՍԴ դատավոր, սա է տրամաբանությունը եւ օրենքի ուժով այս հարցը լուծվում է անհապաղ, այսինքն նույնիսկ դրա արձանագրում պետք չէ։ Ինչպես կարելի է այստեղ տեսնել խնդիր, առավել եւս խոսքը կարծես թե գնում է իշխանության յուրացման մասին»,–նշեց նա։
Ավելի վաղ հայտնել էինք, որ ԱԺ անկախ պատգամավոր Արման Բաբաջանյանի կողմից ՀՀ գլխավոր դատախազին ներկայացված հաղորդման հիման վրա ՀՔԾ-ի նախապատրաստած նյութերով հարուցվել է քրեական գործ իշխանության Հրայր Թովմասյանի եւ մյուսների կողմից իշխանության զավթման առերեւույթ հանցագործության փաստի առթիվ:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար