Թրամփը հայտարարել է Թուրքիայի հանդեպ պատժամիջոցների շուտափույթ սահմանման մասին
ԱՄՆ նախագահ Դոնալդ Թրամփը հայտարարել է, որ շուտով հրամանագիր կստորագրի թուրքական պաշտոնյաների դեմ պատժամիջոցներ սահմանելու, թուրքական պողպատի վրա տուրքերը մինչեւ 50 տոկոս ավելացնելու մասին, ինչպես նաեւ անհապաղ կդադարեցնի առեւտրային բանակցությունները Թուրքիայի հետ։
«Այս հրամանագիրը Միացյալ Նահանգներին թույլ կտա հզոր լրացուցիչ պատժամիջոցներ սահմանել նրանց հանդեպ, ովքեր մասնակից են մարդու իրավունքների լուրջ խախտումներին, կրակի դադարեցման խոչընդոտմանը, տեղահանված մարդկանց վերադարձը խանգարելուն, փախստականների բռնի վտարմանը կամ աշխարհին, Սիրիայում անվտանգությանը կամ կայունությանը սպառնալուն»,- ասվում է Թրամփի հայտարարության մեջ։ Հրամանագիրը կունենա էական հետեւանքներ, ներառյալ ֆինանսական պատժամիջոցները, սեփականության արգելափակումը եւ Միացյալ Նահանգներ մուտքի արգելքը։
«Իմ պաշտոնավարման սկզբից Թրամփի վարչակազմը անընդհատ աշխատել է Միացյալ Նահանգների եւ նրա քաղաքացիների անվտանգության եւ պաշտպանության ապահովման ուղղությամբ։ Թուրքիան չպետք է սպառնալիքի տակ դնի այդ ձեռքբերումները։ Թուրքիան նաեւ պետք է առաջնահերթ ուշադրություն դարձնի քաղաքական անձանց, մանավանդ խոցելի էթնիկ եւ կրոնական փոքրամասնությունների պաշտպանությանը Սիրիայի հյուսիս-արեւելքում։․․․
Քաղաքացիական անձանց վրա հարձակումները, քաղաքացիական ենթակառուցվածքների ավերումը եւ էթնիկ ու կրոնական փոքրամասնությունների վրա հարձակումներն անթույլատրելի են։ Բացի այդ, փախստականների վերադարձը պետք է իրականացվի անվտանգ, ինքնակամ եւ արժանապատիվ կերպով։ Ռազմական հարձակումը սպառնում է խաղաղ բնակչությանը եւ խաղաղությանը, անվտանգությանը եւ կայունությանը տարածաշրջանում։ Թուրքիայի գործողությունները արագացնում են հումանիտար ճգնաժամը եւ պայմաններ են ստեղծում ռազմական հնարավոր հանցագործությունների համար։ Ցավոք, Թուրքիան, երեւում է, չի մեղմացնում իր ներխուժման հումանիտար հետեւանքները։․․․
Միացյալ Նահանգները ակտիվորեն կօգտագործեն տնտեսական պատժամիջոցները նրանց դեմ, ովքեր հնարավոր են համարում, նպաստում են եւ ֆինանսավորում են Սիրիայում այդ նողկալի գործողությունները։ Ես լիովին պատրաստ եմ արագ ոչնչացնել Թուրքիայի տնտեսությունը, եթե թուրք առաջնորդները շարունակեն գնալ այդ վտանգավոր եւ ավերիչ ճանապարհով»,- ասվում է ԱՄՆ նախագահի հայտարարության մեջ։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար