Ամերիկացի սենատորները կոչ են անում պատժամիջոցներ սահմանել Էրդողանի դեմ
ԱՄՆ նախագահ Դոնալդ Թրամփի եւ Կոնգրեսի հանրապետականների միջեւ տարաձայնություններն ուժգնացել են:
Օրենսդիրները դատապարտել են Սիրիայի հարցով նախագահի քաղաքականությունն ու կոչ արել Թուրքիայի դեմ «ավերիչ» պատժամիջոցներ սահմանել այն բանից հետո, երբ ՆԱՏՕ-ի դաշնակիցը քրդերի դեմ ռազմական գործողություններ սկսեց, գրում է «Ամերիկայի ձայն»-ը:
Հանրապետական սենատոր Լինդսի Գրեմն ու նրա դեմոկրատ գործընկեր Քրիս Վան Հոլենը հրապարակել են Թուրքիայի դեմ սահմանափակող միջոցների հայեցակարգը: Նրանք առաջարկել են պատժամիջոցներ սահմանել բարձրաստիճան պաշտոնական անձանց, այդ թվում՝ Թուրքիայի նախագահ Ռեջեփ Էրդողանի դեմ, պատժել Թուրքիային ռուսական Ս-400 զենիթահրթիռային համակարգեր գնելու համար եւ խստացնել վիզային սահմանափակումները:
Բացի այդ, նրանք առաջարկել են պատժամիջոցներ սահմանել նրանց դեմ, որոնք Թուրքիայի հետ ռազմական գործարքներ են կնքում, առաջարկվել է նաեւ արգելել Թուրքիային տրամադրվող ամերիկյան ռազմական օգնությունն ու Էրդողանի կարողության եւ բաժնետոմսերի մասին զեկույց կազմել:
«Ուրախ եմ, որ հաջողվել է սենատոր Վան Հոլենի հետ երկկուսակցական համաձայնության հասնել՝ կապված Թուրքիայի դեմ Սիրիա ներխուժելու համար կոշտ պատժամիջոցներ սահմանելու հետ: Այն դեպքում, երբ վարչակազմը հրաժարվում է Թուրքիայի դեմ միջոցներ ձեռնարկել, ես երկկուսակցական հզոր աջակցության հույս ունեմ»,- հայտարարել է Գրեմը:
Axios-ին տված հարցազրույցում Գրեմը ենթադրել է, որ պատժամիջոցների հարցով նախաձեռնությանը մեծ թվով հանրապետականներ կաջակցեն:
Իր հերթին, հանրապետական Ջիմ Ռիշը հայտարարել է, որ Թուրքիայի ագրեսիվ գործողությունները մտահոգություն են առաջացնում եւ կարող են կտրուկ վատթարացնել Վաշինգտոնի հետ հարաբերությունները:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո