ԱԽ քարտուղարը, ինչպես նաև վարչապետը պետք է օրինակ ծառայեն շարքային «ֆեյսբուքահայերի» համար՝ զերծ մնալով «աղբանոց» կամ «վնգստալ» բառերից
«Առավոտ» թերթը գրում է.
«Հաջորդ տարի Արցախում տեղի են ունենալու խորհրդարանական և նախագահական ընտրություններ, որոնք խոստանում են դրամատիկ լինել, քանի որ երկրորդ հայկական հանրապետությունում թե՛ քաղաքական իրավիճակը և թե՛ օրենքը գրեթե բացառում են ներկայիս իշխանության վերարտադրությունը: Ինչ էլ ասենք «Արցախի ներքին գործերին չխառնվելու» մասին, 2020 թվականին ձևավորվող իշխանությունը պետք է սերտ և արդյունավետ համագործակցության մեջ լինի Հայաստանի ղեկավարության հետ:
Այսօրվա մեր իշխանության հետ դժվար թե ներդաշնակ լինեն գեներալներ Սամվել Բաբայանը և Վիտալի Բալասանյանը: Վերջինիս քննադատությունը Փաշինյանի կառավարության հասցեին՝ գնալով ավելի ու ավելի կոշտ է դառնում և, ըստ էության, կրկնում է 28 տարվա ընթացքում բոլոր ընդդիմադիրների ասածները՝ վայ, կործանվում ենք, վայ, անդունդի եզրին ենք, կան նաև արտահայտություններ, որոնք, ցանկության դեպքում, կարելի է մեկնաբանել որպես սպառնալիք:
Այդ քննադատությանը պատասխանելու «բեռը» դարձյալ իր վրա է վերցրել Հայաստանի անվտանգության խորհրդի քարտուղար Արմեն Գրիգորյանը: Նորից կրկնեմ. բարձրաստիճան պետական այրերի և քաղաքական գործիչների խոսքը, իմ կարծիքով, պետք է ավելի զուսպ և հավասարակշիռ լինի, քան սոցցանցերի «սովորական բնակիչներինը»:
Վստահ եմ, որ ԱԽ քարտուղարը, ինչպես նաև վարչապետը պետք է օրինակ ծառայեն շարքային «ֆեյսբուքահայերի» համար՝ զերծ մնալով «աղբանոց» (ոչ ուղիղ իմաստով) կամ, ասենք, «վնգստալ» (մարդկանց հանդեպ կիրառությամբ) բառերից: Ինչ մնում է Սամվել Բաբայանին, ապա նա, կարծես, ԼՂՀ նախագահ դառնալու հավակնությունների մասին պաշտոնապես չի հայտնել, բայց եթե հայտնի, չեմ կարծում, որ Հայաստանի ներկայիս իշխանությունը դրանից շատ կուրախանա: Սակայն անկախ այս բոլոր հանգամանքներից, նախկին դաշտային հրամատարների ժամանակը ՀՀ և ԼՂ պետական բարձր պաշտոններում, ըստ իս, անցել է. պատերազմի ժամանակ շատ բաներ «կարելի էր», իսկ հիմա, պետության տեսանկյունից, հակացուցված է:
Հայտնի թեկնածուներից մնացին Արայիկ Հարությունյանը և Մասիս Մայիլյանը: Բայց Արցախի նախկին վարչապետը բիզնեսմեն է, ոմանք ասում են նաև, ԼՂ մասշտաբով՝ օլիգարխ: Անկախ նրանից, թե որքանով են նրա բիզնեսի մասին պատմությունները ճիշտ կամ սխալ, գործարարները հայկական պետություններում չափազանց խոցելի են և զուտ քաղաքական դաշտում միանշանակ չեն ընկալվում»,-գրում է թերթը:
Նյութն ամբողջությամբ կարդացեք թերթի այսօրվա համարում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար