Մեր իշխանությունն օգտագործում է միայն սադրելու և լռեցնելու լծակները. Սոնա Աղեկյանը՝ «Հայելի» ակումբի վրա հարձակման մասին
Փորձում են ճնշում գործադրել Թովմասյանների ընտանիքի հանդեպ: Սա նշանակում է, որ մեր իշխանությունը օգտագործում է միայն սադրելու և լռեցնելու լծակները: Այս մասին «Հայելի» ակումբի դիմաց հրավիրված ասուլիսին ասաց «Այլընտրանքային քաղաքապետարան» նախաձեռնության անդամ Սոնա Աղեկյանը:
«Պարոն Նիկոլ Փաշինյա՛ն, Դուք այս պահին հանդիսանում են ՀՀ-ի իշխանությունը ղեկավարող միանձնյա դիկտատորը, և Ձեր ամենամտերիմ անձանցից մեկի մասնակցությամբ «Հայելի» ակումբի հանդեպ կատարվեցին սադրիչ գործողություններ: Այդ անձն արդյո՞ք այս պահին կալանավորված է: Խոսքս ուղղում եմ Ձեզ և պատասխանն ակնկալում եմ Ձեզնից»,- ասաց նա և հիշեցրեց, որ նույն անձը «Այլընտրանքային քաղաքապետարանի» անցկացրած խաղաղ ակցիայի ժամանակ փորձել է հարվածել իրեն:
Աղեկյանի խոսքով՝ եթե այդ անձը մինչև հիմա կալանավորված չէ, ուրեմն վարչապետի անմիջական հովանավորությունն է օգտագործում, որպեսզի կատարի այս կամ այն սադրիչ գործողությունները իրականությունը ներկայացնող անձանց հանդեպ: Աղեկյանը նաև լուսանկարներով ցույց տվեց, որ այդ անձը մտերիմ է և՛ Նիկոլ Փաշինյանի, և՛ Հայկ Մարությանի հետ:
«Պահանջում ենք, որ հենց այսօր Նիկոլ Փաշինյանն անդրադարձ կատարի «Հայելի» ակումբի նկատմամբ կատարված գործողությունների վրա, նաև ոստիկանների ուշադրությունը այս հանցագործների վրա, որովհետև որևէ մեկը, որը ոտնձգություն է կատարում և քաղաքական գործչի, և խոսքի ազատությունն օգտագործող մամուլի, լրատվամիջոցների վրա, պետք է դատապարտվի»,- նշեց Աղեկյանը:
«Ճնշում են փորձում իրականացնել նաև Թովմասյանների ընտանիքի հանդեպ: Սա նշանակում է, որ մեր իշխանությունը օգտագործում է միայն սադրելու և լռեցնելու լծակները»,- ամփոփեց նա:
Հիշեցնենք, որ հոկտեմբերի 5-ին 4 երիտասարդ պաշարել էր «Հայելի» մամուլի ակումբը։ Նրանք ձվեր են նետել ակումբի դռներին ու պաստառներ փակցրել։ Նրանցից մեկը, որը ներկայացել է որպես քաղաքացի Դավիթ Հովհաննիսյան, ասել է, որ պահանջում է փակել լրատվամիջոցը։ Նրանք նշել են, որ իրենց այդ ակցիայի պատճառը Hayeli.am կայքով հրապարակված «Ալիևի ուշացած, բայց հուժկու պատասխանը Փաշինյանին» վերտառությամբ հոդվածն է։
Ակցիայի մասնակիցների խոսքով՝ նրանք պատրաստվում էին նույնը անել նաև ակումբի ներսում, եթե դուռը բաց լիներ։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար