ԱՄՆ-ի Պետդեպը մտադիր է հետեւել օրենքին նախագահի իմփիչմենթի գործով հետաքննության ընթացքում. Պոմպեո
Շաբաթ ԱՄՆ-ի Պետքարտուղար Մայք Պոմպեոն հայտարարել է, որ Պետդեպարտամենտը մտադիր է հետեւել օրենքի տառին հետաքննության ժամանակ, որն ուղղված է երկրի ղեկավար Դոնալդ Թրամփի իմփիչմենթին, հաղորդում է Associated Press-ը:
Նշվում է, որ միեւնույն ժամանակ Պոմպեոն չի պատասխանել բարձրաձայնված հարցերին, որոնք վերաբերել են Թրամփի մտադրությանը ստիպել Ուկրաինային եւ Չինաստանին հետաքննել դեմոկրատների կողմից նրա քաղաքական օպոնենտ Ջոզեֆ Բայդենի գործունեությունը:
Հունաստանում լրագրողների հետ զրույցի ընթացքում Պոմպեոն հայտնել է, որ ուրբաթ երեկոյան Պետդեպը նամակ է ուղարկել Կոնգրեսին որպես փաստաթղթերի հայցման նախնական պատասխան:
«Մենք, իհարկե, կանենք ամեն ինչ, որը պետք է անենք օրենքի շրջանակներում»,-նշել է ԱՄՆ-ի պետքարտուղարը:
Նա նաեւ թույլ է տվել դեմոկրատներին հաջորդ շաբաթ հարցաքննության հրավիրել մի քանի վկաներին, այդ թվում՝ ԵՄ-ում ԱՄՆ-ի դեսպան Գորդոն Սոնդլենդին, որը հետաքննության առանցքային անձանցից մեկն է:
Ավելի վաղ Վաշինգտոնում խոշոր սկանդալ էին առաջացրել պնդումները, որ Թրամփը ճնշում է գործադրել Ուկրաինայի նախագահ Վլադիմիր Զելենսկիի վրա՝ նպատակ ունենալով ստիպել Կիեւին օգնել նրան 2020 թվականին երկրորդ ժամկետով վերընտրվելու հարցում: Ենթադրվում էր, որ Ամերիկայի առաջնորդը ճնշում է գործադրել իր ուկրաինացի գործընկերոջ վրա՝ փորձելով հասնել Ամերիկայի նախկին փոխնախագահ Ջոզեֆ Բայդենի որդու գործունեության հետաքննությանը՝ փոխարենը Կիեւին առաջարկելով ֆինանսական եւ ռազմական աջակցություն Վաշինգտոնից: Երկուշաբթի Կոնգրեսի Ներկայացուցիչների պալատը, որը վերահսկվում է Դեմոկրատական կուսակցության կողմից, հայտարարել էր հանրապետական Թրամփի նկատմամբ իմփիչմենթի գործընթաց սկսելու մասին այդ կասկածների հիման վրա: Դեմոկրատ Բայդենն այժմ Թրամփի ամենահավանական մրցակիցն է ԱՄՆ-ում կայանալիք նախագահական ընտրությունների ժամանակ:
Ավելի վաղ Սպիտակ տունը հրապարակել էր երկու երկրների առաջնորդների հուլիսյան հեռախոսազրույցի սղագրությունը: Պարզվել էր, որ Թրամփը չէր փորձում ստիպել Վլադիմիր Զելենսկիին հետաքննություն նախաձեռնել Հանթեր Բայդենի նկատմամբ՝ փոխարենն Ուկրաինային ֆինանսական եւ ռազմական օգնություն առաջարկելով: ԱՄՆ-ի արդարադատության նախարարությունը, որը միաժամանակ կատարում է գլխավոր դատախազության գործառույթները, չի հայտնաբերել ազգային օրենսդրության խախտումներ, ինչպես նաեւ հետագա հետաքննության կամ այլ գործողություններ անցկացնելու հիմքեր Ամերիկայի եւ Ուկրաինայի նախագահների հուլիսյան հեռախոսազրույցի բովանդակության մեջ:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...