Կարծում եմ՝ միջազգային գործընկերները կֆիքսեն, որ Ադրբեջանը չի ցանկանում հարցի հանգուցալուծում. Ռուբինյան
Իլհամ Ալիեւի պատասխանը, թե գոյություն չունի Ղարաբաղի ժողովուրդ, եւս մեկ անգամ ապացուցում է, որ ի տարբերություն հայկական կողմերի, Ադրբեջանը կառուցողական չէ եւ, ըստ էության, չի ուզում հակամարտության խաղաղ հանգուցալուծում: Այս մասին այսօր՝ հոկտեմբերի 4-ին, ԱԺ-ում լրագրողների հետ զրույցում նշեց «Իմ քայլը» խմբակցության պատգամավոր, ԱԺ արտաքին հարաբերությունների հանձնաժողովի նախագահ Ռուբեն Ռուբինյանը:
«ՀՀ վարչապետը հայտարարել է, որ հակամարտությունը կարող է ունենալ միայն խաղաղ հանգուցալուծում եւ եթե մենք ուզում ենք հասնել այդպիսի հանգուցալուծման, անհրաժեշտ է, որ եւ Հայաստանի ժողովուրդը, եւ Արցախի ժողովուրդը, եւ Ադրբեջանի ժողովուրդը համաձայն լինեն այդ հանգուցալուծման շուրջ: Նա ակնկալում էր, որ մյուս կողմը նույնպես ընդունի այս փաստը, քանի որ անհնար է որեւէ հանգուցալուծում առանց կողմերի համաձայնության: Իսկ Ալիեւի պատասխանը ցույց է տալիս, որ նա չի ընդունում այս բանաձեւը, հետեւաբար, չի ուզում հակամարտության խաղաղ հանգուցալուծում: Ես կարծում եմ, որ միջազգային գործընկերները կֆիքսեն դա եւ կանեն հետեւություններ»,-ասաց նա:
Հարցին, թե որն է լինելու Հայաստանի պատասխանը, նա արաձագանքեց. «Մեր պատասխան քայլը մեր դիրքորոշումները շարունակաբար առաջ տանելն է, խաղաղության տրամաբանության մեջ գործելն է, շարունակաբար մեր բանակը ամրացնելը, պաշտպանական համակարգը»:
Դիտարկմանը, որ ՌԴ ԱԳ նախարար Սերգեյ Լավրովը հայտարարել էր, որ ՀՀ վարչապետի՝ «Արցախը Հայաստան է եւ վերջ» արտահայտությունը չի նպաստում քաղաքական գործընթացի վերականգնման համար համապատասխան մթնոլորտի ձեւավորմանը, Ռուբինյանն ասաց, որ արդեն Հայաստանի ԱԳՆ-ն արձագանքել է դրան. «Հայաստանը բանակցային գործընթացը տեսնում է այն տրամաբանությամբ, որը ՀՀ վարչապետը ներկայացրել է ՄԱԿ-ի ամբիոնից, ավելին ասելու ոչինչ չունեմ»:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...