Կառավարման համակարգում կան հիմնարկներ, որոնք խոշոր բիզնես են. Փաշինյանը բարկացավ Արսեն Թորոսյանի վրա
Առողջապահության նախարարությունն ասում է՝ դեղերի գրանցման, փորձաքննության գործունության ուղղությամբ հավաքված վճարները մնան մեզ, մենք ծախսենք. մենք էլ ասում ենք՝ չէ, փողերը պետք է գնան բյուջե, այնտեղից ծախսվեն: Այս մասին այսօր՝ հոկտեմբերի 3-ին, կառավարության նիստում նշեց ՀՀ վարչապետ Նիկոլ Փաշինյանը՝ «Դեղերի մասին» օրենքի փոփոխությունների քննարկման ժամանակ:
Ֆինանսների նախարար Ատոմ Ջանջուղազյանը եւս նշեց, որ Առողջապահության նախարարությունն առաջարկում է փորձաքննությունների անցկացման համար լավագույն ճանապարհն է ունենալ 100 տոկոս պետական մասնակցությամբ ընկերություն եւ այդ ընկերությանը պատվիրակել փորձաքննություն իրականացնելու լիազորությունը, ինչը ճիշտ չէ, պետք է սահմանել պետական տուրք եւ այդ միջոցներն ուղղել բյուջե. «Դեղի գրանցման նպատակով որեւէ այլ տարբերակ չունենալով ստացվում, որ պետական վճար է սահմանվում, որը շրջանցում է բյուջեն, եւ այդ ընկերության ծախսերի համար է օգտագործվում: Մտահոգիչ է, որ դա դառնում է ընկերության համար եկամտի աղբյուր»,-ասաց Ջանջուղազյանը:
«Այդ տրամաբանությամբ, մյուս պետական կառույցներն էլ կասեն՝ բա մենք ինչո՞ւ բիզնես չենք անում: Ամեն գերատեսչություն չի կարող կառավարման իր ոճն ունենա, որովհետեւ կառավարման ոճը կառավարությանն է»,-ասաց Փաշինյանը:
Առողջապահության նախարար Արսեն Թորոսյանն էլ ընդգծեց. «Այս հարցն այսօր չի ծագել: Սա կարծես թե առիթ է, որ ֆինանսների նախարարությունը եւս մեկ անգամ բարձրացնի այդ հարցը: Ես չեմ ուզում այդ առիթը խցկենք այս օրենքի նախագծում: Ես համաձայն եմ, որ հաշվարկենք, թե տուրքը որքան է հավաքվում, մտցնենք բյուջեի մեջ, եթե դա լինի լավագույն տարբերակը բոլոր կողմերի համար»:
Նրան ընդհատեց վարչապետը. «Մենք արդեն որոշել ենք, որ դա լավագույն տարբերակն է բոլոր կողմերի համար: Պետական կառավարման համակարգում կան հիմնարկներ, որոնք խոշոր բիզնես են, դա վատ է: Ձեր նշած հիմնարկը հենց այդպիսին է ու դրան պետք է վերջ տալ: Միշտ էլ դա համարվել է հեռու անկյունում գտնվող մի հատ տեղ, որը շատ հաջող բիզնես է անում պետական մոնոպոլիայի շրջանակում: Այդպես չի կարող լինել»:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...